گه‌نجێك به‌ گولـلە‌ كوژرا

لە كەلار گەنجێك كوژرا و بەوتەی كەسوكارەكەی هاوڕێیەکی خۆی کوشتویەتی، تا ئێستاش بکوژەکە دەستگیرنەکراوە.


شەوی ڕابردوو لە شارۆچکەی کەلاری ناوەندی ئیدارەی گەرمیان گەنجێک بەناوی پشكۆ محه‌مه‌د عه‌زیز، له‌دایكبووی ساڵی ١٩٩٦ کوژرا.

عه‌لی جه‌مال قه‌دوری وته‌بێژی پۆلیسی گه‌رمیان، بە ڕۆژنیوزی وت: گەنجەکە بە دەمانچە کوژراوە و بەوتەی كەسوكارەکەی له‌گه‌ڵ هاوڕێیه‌كی بووه‌ به‌ شه‌ڕیان، هاوڕێكەی بە دەمانچە گولـله‌یه‌كی پێوەناوە و كوشتویه‌تی و هه‌ڵهاتووه‌.

وتەبێژی پۆلیسی گەرمیان، ئاشكرایكرد، کە دادوه‌ر به‌ پێی مادده‌ی ٤٠٦ له‌ یاسای سزدانی عێراقی تایبه‌ت به‌ كوشتنی بەئه‌نقه‌ست، بڕیاری ده‌ستگیركردنی بۆ بكوژی گه‌نجه‌كه‌ ده‌ركردووه‌، به‌ڵام تائێستا ده‌ستگیرنه‌كراوه‌، پۆلیسیش ده‌ستیكردووه به‌ ‌‌لێكوڵینه‌وه‌ له‌ ڕووداوه‌كه.

ش.ف