هەپەگە ڕایگەیاند، زنجیرە چالاکییەکیان بۆ یادکردنەوەی شەهیدانی ئایار ئەنجامدا لەو چالاکییانەدا ٢٤ داگیرکەر سزادراون و چەندین زیانیش لە داگیرکەران دراوە و فڕۆکەیەکی بێفڕۆکەوان و سیستمێکی کامێرای حەراری تێکشکێنراوە.
ناوەندی راگەیاندن و چاپەمەنی هێزەکانی پاراستنی گەل – هەپەگە، لە نوێترین ڕاگەیەندراویدا ئەنجامی چەند چالاکیەکی گەریلاکانی ئاسکرا کرد و دەڵیت: تیمەکانی گەریلامان لە دژی سوپای داگیرکەری تورک چالاکی بەهێز دەکەن لەو چالاکییانەدا تاکتیکی گەریلا بە سەرکەوتنێکی گەورەوە جێبەجێ دەکرێت.
ئاماژەی بەوەشکردووە: بۆ یادکردنەوەی شەهیدانی ئایار لە چالاکی هێزەکانماندا ٢٤ داگیرکەر سزادران و ٣ داگیرکەریش برینداربوون ژمارەیەک چەک و فڕۆکەی بێفڕۆکەوان و سیستەمێکی کامێرا تێکشکێنران.
هەپەگە لە بارەی چالاکیەکانی گەریلا لە ئاڤاشین ئاشکرای کردووە لە رۆژی ١٦ ئایاردا لە چەند چالاکیەکی جیاوازدا زیانی زۆر بەر هێزەکانی داگیرکەر کەوت و داگیرکەرێکیش سزادرا، ئەنجامی چالاکیەکیش ژمارەی سزادراوانی داگیرکەر دیاری نەکراوە.
لە بارەی چالاکیەکانی هەرێمی زاپ ڕوونیکردووتەوە ٢١ داگیرکەر سزادراون و سێ داگیرکەریش بریندار بوون و ١٠ کیلۆ تی ئێن تیش دەستی بەسەرداگیراوە و فڕۆکەیەکی بێ فڕۆکەوانی بۆمبڕێژکراو تێکشکێندرا.
ئاماژەی بەوەشکردووە کە هێزەکانیان لە ١٠ی ئەم مانگەدا بنکەی سوپای تورکی داگیرکەریان لە سیری کردووەتە ئامانج و تیادا بە لایەنی کەمەوە ٤ داگیرکەر سزادراون.
باسی لە بۆردومان و هێرشەکانی دەوڵەتی تورک کردووە کە لەو ماوەیەدا چەندین ناوچەی لە هەرێمەکانی پاراستنی مەدیا بۆردومان و تۆپباران کردووە.
ها-غ
