– مامۆستایانی ناڕازی، دژی نەدانی مووچە و خراپی دۆخی ئابووریی لە بەردەم باخی گشتی لە شاری سلێمانی خۆپیشاندانی فراوان ئەنجام دەدەن، کاتژمێر ١٠:٠٠.
– لە بەردەم پەروەردەی کەرکوک، مامۆستایان و فەرمانبەرانی سەر بە حکومەتی هەرێم لە شاری کەرکوک خۆپیشاندان ئەنجام دەدەن بۆ داواکردنی مووچە و گواستنەوەی مووچەکانیان بۆسەر حکومەتی عێراق، کاتژمێر ٩:٣٠.
– کۆبوونەوەی حزبە کوردستانییەکانی کەرکوک، لەسەر ئاستی پەیوەندییەکان لە بارەگای هاوپەیمانی کۆدەبنەوە و پاشان کۆنگرەیەکی ڕۆژنامەنووسی ئەنجام دەدەن، کاتژمێر ١٠:٠٠.
– لە چوارچێوەی هەڵمەتی ١٦ ڕۆژەی بەرەنگاربوونەوەی توندوتیژیی دژی ژنان، لە سینەما سالم لە شاری سلێمانی فیستیڤاڵی فیلم و سۆپتی ڕێکخراوەکانی ژنان ئەنجام دەدرێت، کاتژمێر ٣:٣٠.
– ئەفسەرێکی پێشمەرگە زۆر نهێنی لەبارەی ئەو چەک و پێداویستییە سەربازییانەوە ئاشکرا دەکات، کە لەلایەن هاوپەیمانان و عێراقەوە لە کاتی شەڕی داعشدا دراون بە پێشمەرگە و پەدەکە دەستی بەسەردا گرتوون، بەشێکیان دیارنەماون و بەشێکیشی بازرگانی پێوەکردوون، دەشڵێت:”هیچ لایەک نەیدەزانی پەدەکە چی لەو چەکانە دەکات، تا ئەوکاتەی هێزەکانی بە چەکی قورسەوە ڕەوانەی هەرێمەکانی گەریلا کرد”.
– توێژە جیاوازەکانی ڕانیە، ڕایدەگەیەنن، دەسەڵاتدارانی هەرێم لە ماوەی ۳۰ ساڵی ڕابردوو نەیتوانیوە سیاسەتێکی سەرکەوتوو لە هەرێمی کوردستان بەڕێوەببەن، پێشیانوایە قەیرانی دارایی و ئابووریی ئێستا بەرهەمی خراپ بەڕێوەبردن و ئیدارەدانی وڵاتە لەلایەن بەرپرسانەوە.
– پەدەکە بەردەوامە لە هەوڵەکانی بۆ هەڵگیرساندنی شەڕ، بەشێک لە مامۆستایانی زانکۆی گەرمیانیش، ڕایدەگەیەنن، هەوڵی پەدەکە بۆ هەڵگیرساندنی شەڕ، خیانەتێکی مێژووییە و لەپێناو مانەوەی خۆیەتی و کوردبوونی لەلا گرنگ نییە، دەشڵێن: ئەم شەڕە ئەگەر بکرێت زیانی زۆری بۆ کورد و قازانجی بۆ دەوڵەتی تورکە.
ک.س
