وتەبێژی تەندروستی کۆیە ڕایگەیاند، دوای نیوەڕۆی ئەمڕۆ گەنجێک لەکاتی کۆکردنەوەی کاهودا بە فیشەکێکی سەرچاوە نادیار گیان لەدەستدەدات.
هاوكار عەلی، وتەبێژی بەڕێوبەرایەتی گشتی تەندروستی كۆیە بە (ڕۆژنیوز)ی راگەیاند، كاتژمێر ٣.٣٠ تەرمی هاوڵاتیەك گەیەندراوەتە نەخۆشخانەی گشتی تەقتەق لە ئێستادا ڕەوانەی پزیشكی دادوەری كۆیە كراوە.
وتیشی هاوڵاتیەكە ناوی دیار محەمەد حمە مستەفایە و خێزاندارە، تەمەنی ٣٠ساڵە و خاوەنی یەک منداڵە خەڵکی شارەگوندی سێگردکانە.
لە بارەی چۆنیەتی ڕووداوەکە ئاماژەیبەوەدا: ئەو هاوڵاتیە پیشەی كرێكار بووە و لە كاتی دورینەوە خاس (کاهو) لە گوندی كانی لەلە لەلێواری زێی بچوك لەگەڵ هاوڵاتیەكی تر خەریکی کاربووە، بەڵام لەو بەری زێی بچوك لە سنوری شارەدێی شوان تەقە دەكرێت و ئەو هاوڵاتیە بەر دەكەوێت و گیان لەدەستدەدات بەڵام نازاندرێت سەرچاوەی تەقەکردنەکە کێ بووە.
ها-غ
