هێرشێک کرایە سەر بارەگای تەڤگەری ئازادیی

لەلایەن کۆمەڵێک کەسى نەناسراوەوە، هێرشکراوەتە سەر بارەگاى تەڤگەرى ئازادى و بەشێکى زۆر لە کەل و پەلى ناو بارەگاکە شکێندراوە، چەند ئەندامێکى تەڤگەریش بەدەستى ئەو گروپە لێیان دراوە، بەرپرسانى تەڤگەریش دەڵێن، کە گومانمان هەیە ئەم گروپە ئاڕاستەکراوبن.


کاتژمێر ٢:٠٠ى پاش نیوەڕۆى دوێنێ، گروپێک کە نزیکەى ٥٠ کەس دەبوون، هێرشییان کردە سەر بارەگاى تەڤگەرى ئازادى کۆمەڵگاى کوردستان، لەشارى سلێمانى.

ئەو گروپە ماوەى دوو کاتژمێر، لەبەردەم بارەگاى تەڤگەرى ئازادیدا ماونەتەوە و هەرچەند هێزەکانى ئاسایش هاتبوونە شوێنى ڕووداوەکە، بەڵام هیچ کەسێکیان لەو گروپە دەستگیر نەکردووە، تەنها ڕێگرییان لێ کردبوون لەوەى دووبارە هێرش نەکەنەوە سەر بارەگاکە.

شیلان شاکر، هاوسەرۆکى تەڤگەرى ئازادى کۆمەڵگاى کوردستان، سه‌باره‌ت به‌هێرشەکە بە ڕۆژنیوزی وت: دوێنێ گروپێک هێرشییان کردووەتە سەر بارەگاى تەڤگەر لە شارى سلێمانى، بەهۆیەوە زیانێکى زۆر بەر بارەگاکەمان کەوتووە، وە چەند هەڤاڵێکى ئێمە کە لەنێو بارەگاکەدا بوون، لەلایەن ئەو گروپەوە لێیان دراوە و زیان بەر جەستەیان کەوتووە".

ناوبراو گومانى هەبوو لەوەى ئەو گروپە لەلایەن کەسێک یان لایەنێکەوە ئاڕاستەکرابن و وتى:" ئه‌م گروپه‌ جێگه‌ی گومانن‌، دڵنیاشین که‌ ئه‌م گروپه‌ له‌لایه‌ن یه‌کێکه‌وه‌ ئاراسته‌ کراوه‌، به‌دواداچون بۆ ئه‌م بابه‌ته‌ ده‌که‌ین و بێ ده‌نگ نابین".

شیلان شاکر، ئاماژەى بە کاردانەوەى ئەندامانى تەڤگە ر هەڵوێستى هێزە ئەمنییەکان کرد بەرامبەر ئەو گروپە و وتى:" هه‌ڤاڵانی ته‌ڤگه‌ر هیچ شتێکیان به‌رامبه‌ر ئه‌و گر‌وپه‌ نه‌کردووه‌، بێده‌نگ بوون، ئاسایش له‌م بابه‌ته‌یه‌ ته‌نها بینه‌رێک بوون و هیچ هه‌ڵوێستێکیان نه‌بووه‌، له‌ باشوری کوردستان بنکه‌ و باره‌گای زۆر جیاواز هه‌ن ئه‌پارێزرێن له‌ هه‌موو هێرشێک، خێره‌ ته‌ڤگه‌ری ئازادی ته‌ڤگه‌رێکى‌ فه‌رمییه‌ و کار و چالاکی کە مه‌ده‌نی به‌ڕێوه‌ مەدەنى دەکات، نایپارێزن؟.

لەکۆتاى قسەکانیدا، هاوسەرۆکى تەڤگەرى ئازادى وتى: ئێمه‌ وه‌ک ته‌ڤگه‌ری ئازادی بێده‌نگ نابین له‌و هێرشه‌ ده‌بێ ده‌ربکه‌وێت ئه‌و گروپه‌ له‌لایه‌ن کێ-وه‌ ئاراسته‌ کراوه‌؟، ‌ هێزه‌کانی ئاسایش بۆ بێده‌نگ بوون له‌ به‌رامبه‌ر ئه‌و هێرشه؟، ئەگەر ڕێگا لەو هێرشانە نەگیرێت خۆمان خۆمان دەپارێزین، دەشڵێین ئەو هێرشانە ئێمە سارد ناکاتەوە لە خەبات.