ڕۆژەڤی ٢٠/٩/٢٠١٨

*هاوڵاتییەك لە شارەدێی خورماڵ، 40 ساڵە سەرقاڵی كۆكردنەوەی بەرهەمی هونەرمەندان و شاعیرانی، باكور و باشور و ڕۆژهەڵاتی كوردستانە، تا ئێستا زیاتر لە دوو هەزار كاسێتی هونەرمەندانى لەماڵەکەیدا ئەرشیف کردووە.. بە ڤیدیۆ


*لە چەند مانگی ڕابردوودا بەهای تمەن زیاتر لە ٣٠٠ داکشاوە، ئەوەش سەرەڕای هەموو بانگەشەکانی دەوڵەت بۆ نیشاندانی وەک قەیران، لە بنەڕەتدا بە سوودی دەوڵەتە و بە زیانی خەڵک، تا ڕادەیەک کە هەندێک لە چاودێرانی ئابوری پێیان وایە، دەوڵەت دەستێوەردانی بازاڕی دراو دەکات بۆ ئەوەی بەهای تمەن زیاتر دابەزێت.

*ئەکتەرێک،ڕایدەگەیەنێت، کە لە باشوری کوردستان هونەر لە قەیراندایە و بەرهەمە هونەرییەکان زۆر کەم و لاوازن، ڕەخنە لە میدیاکان دەگرێت، کە تەنیا گرنگیی بە بەرهەمی بیانیی دەدەن، دەشڵێت: وەزارەتیڕۆشنبیریی هیچ پلان و بەرنامەیەکی نییە بۆ بەڕێوبەرایەتییەکانی ڕۆشنبیریی.. بە ڤیدیۆ

*بەشی دووەمی لایەنەکان لە بەرنامەى هەڵبژاردنیاندا چۆن دەڕواننە کێشەکان؟، ڕاپۆرتی تایبەتی ڕۆژنیوزە.

*دانیشتوانی شارۆچكه‌ی كفری، نیگه‌رانن له‌وه‌ی شارۆچكه‌كه‌یان پرۆژه‌ی خزمه‌تگوزاری تێدا ئه‌نجام نادرێت، سه‌رۆكی شاره‌وانیش هۆكاره‌كه‌ی بۆ قه‌یرانی دارایی ده‌گه‌ڕێنێته‌وه.. بەڤیدیۆ

*گروپی ڕۆژ-ی خانمان لە شاری هەولێر، بازاڕێک بۆ کاری دەستیی، فۆلکلۆر، ئێکسسوارات، و فۆلکلۆری عەرەبیی و چەندین بەرهەمی دیکە دەکەنەوە، کاتژمێر ١١:٠٠ لە مێگا مۆڵ.

*ئەمڕۆ مەراسیمی عاشورایە و شیعە مەزهەبەکان لە شار و شارۆچکەکانی باشوری کوردستان و عێراق مەراسیمی عاشورا دەگێڕن.

*شەوی ڕابردوو لە کەرکوک و خانەقین تەقینەوە ڕوویداوە.

*ڕێکخراوی گەشەپێدانی ئابووریی هەژاران، بەهاوکاریی بەڕێوبەرایەتی ڕۆشنبیریی و هونەری سلێمانی، هەڵدەستێت بە سازدانی میهرەجانی (ڕێزلێنانی ژینگەپارێزیی سلێمانی)، کاتژمێر ٠٢:٠٠ لە هۆڵی ڕۆشنبیریی... بە ڤیدیۆ