هەپەگە: دوو کۆنتراگەریلای دیکە سزادران

گەریلاکانی یەژاستار و هەپەگە دوو کۆنتراگەریلای دیکەیان سزادا، کە لە ساڵی ٢٠١٨دا شوێنی گەریلاکانیان بۆ سوپای تورک ئاشکراکردبوو.


ئەمڕۆ ناوەندی ڕاگەیاندنی هێزەکانی پارستنی گەل- هەپەگە ڕاگەیەندراوێکی بڵاوکردەوە و سزادانی دو کۆنتراگەریلا 'دژە گەریلا'ی دیکەی ئاشکراکرد.

لە ڕاگەیەندراوەکەدا هاتووە: ٤ی تەمموز دوو کۆنتراگەریلا بەناوەکانی ڕەمزی گولەر و مەحمود گولەر سزادران، ئەو دوو کۆنترا گەریلایە لە ڕۆژی ٢٧ی ئۆکتۆبەری ساڵی پاردا لە لێخۆسۆری سەربە لیجەی ئامەد شوێنی گەریلاکانیان بۆ سوپای تورک ئاشکراکردبوو.

لە بەردەوامیدا هەپەگە ڕایگەیاند: پاشان شەڕێک لە نێوان گەریلاکان و سوپای تورکدا ڕوویدابوو، لەو شەڕەدا هەڤاڵ فەرهاد کورتای (عەدنان ئورال) شەهیدبووبوو، دواتر هەڤاڵانمان لێکۆڵینەوەیان کرد و گەیشتنە ئەو ئەنجامە، کە ڕەمزی گولەر و مەحمود گولەر سیخوڕیی سوپای تورکیان کردووە و شوێنی گەریلاکانیان بۆ ئاشکراکردوون.

لە کۆتاییدا هەپەگە ڕایگەیاندووە: ئەو دوو کۆنتراگەریلایە پاش ئەوەی لێکۆڵینەوەیان لەگەڵ کرا و دانیان بە تاوانەکانیاندا نا، لەلایەن گەریلاکانمانەوە سزادران.

س.ح