شاندی کەنەکە ئێوارەی ئەمڕۆ بە مەبەستی کۆکردنەوەی پشتیوانی بۆ کۆتایی هێنان بە پەیماننامەی لۆزان سەردانی سەنتەری میترۆیان کرد.
لە بەردەوامی زنجیرە دیدارەکانی شاندی کۆنگرەی نەتەوەی کوردستان – کەنەکە، دوای ئەوەی ئەمرۆ لەگەڵ بزوتنەوەی گۆڕان و ئەنجوومەنی پارێزگای سلێمانی کۆبوەوە، ئێوارەی ئەمڕۆ لە گەڵ سەنتەری میترۆ کۆبوونەوە.
ئەحمەد قەرەموس، هاوسەرۆکی کۆنگرەی نەیەوەیی لە کۆنگرەیەکی ڕۆژنامەوانیدا ڕایگەیاند: گەلی کورد هەرگیز پەیماننامەی لۆزانی قبوڵ نەکرد و نایکات، لە بەر ئەوەی گەلی کورد خاوەنی ئیرادە و ستراتیژی چارەسەریە، ١٠٠ ساڵ تێپەڕ دەبێت، وا دیارە، پێویستە جارێکی دیکە نەخشەی ڕۆژهەڵاتی ناوەڕاست نوێ بکرێتەوە، گەلی کورد بە شوێن پرسی ئاشتی و چارەسەریەوەیە، دژ بە داگیرکەری.
ئاماژەی بەوەشکرد، کۆنگرەی نەتەوەیی ساڵی ڕابردوو لە ساڵیادی ئەنجامدانی پەیماننامەی لۆزاندا کۆنفرانسی ئەنجامدا، دەمانەوێت بەیەیەکەوە کار بکەین، ئامانجی ئێمە ئەوەیە لە گەڵ لایەنە سیاسیەکان و کەسایەتیەکان و ڕۆژنامەنوسان و هونەرمەندان، هەموو چین و توێژەکان دیدار ئەنجام بدەین، بۆ ئەوەی چارەسەرێک بۆ هەرچوارپارچەی کوردستان بخەینەڕوو.
هاوسەرۆکی کەنەکە وتیشی: سەردانەکانمان بەردەوامی دەبێت، ئەگەر پەدەکە و یەنەکە، کێشەکانیان چارەسەر نەکەن، بە تایبەتتریش پەدەکە، مەترسیەکانی داگیرکاری لەسەر گەلی کورد و کوردستان زیاتر دەبن.
ها-ع
Comments are closed.