نیشـانەکانی ڕیخۆڵە گیـران کامانەن؟
ناوەندى هەواڵەکان
دکتۆر هێژا قەلەندەر دەڵێت، لە نیشانەکانی ڕیخـۆڵە گیـران ڕشانه‌وه سه‌ره‌كیترین نیشانه‌ی ده‌بێت و له‌گه‌ڵیدا ئه‌م نیشانانه‌ی ده‌بێت، سك ئێشان، قه‌بزی و ئاوسانی سك، دەشڵێت، بۆ ده‌ستنیشانكردنی گیرانی ریخۆڵه پشت ده‌به‌سترێت به نیشانه‌كانی نه‌خۆشیه‌كه، ئه‌نجامدانی پشكنینی سك و كۆم، گرتنی تیشك و سۆنار.
دکتۆر هێژا قەلەندەر، پسپۆڕى نەشتەرگەرى هەرس و جگەر و پەنکریاس و بۆرییەکانى زراو، لە نوسینێکدا ئاماژە بە نیشانەکانى ریخۆڵە گیران دەکات، کە دەقى نوسینەکەى بەمجۆرەیە:-
نیشانه‌كانى ڕیخۆڵە گیران به‌پێی شوێنی گیرانەکە ده‌گۆڕێت لەوانەش:-
گیران له به‌شی سه‌ره‌وه‌ی ریخۆڵه باریكه نیشانەکانى بەمجۆرەن:-
یەکەم- ڕشانه‌وه سه‌ره‌كیترین نیشانه‌ی ده‌بێت و له‌گه‌ڵیدا ئه‌م نیشانانه‌ی ده‌بێت، سك ئێشان، قه‌بزی و ئاوسانی سك.
دووەم -گیران له به‌شی خواره‌وه‌ی ریخۆڵه باریكه و سه‌ره‌تای كۆڵۆن:
سێیەم- ئازاری سك و ئاوسانی سك سه‌ره‌كیترین نیشانه‌ی ده‌بێت و له‌گه‌ڵیدا رشانه‌وه و قه‌بزی دەبێت.
گیران له‌به‌شی خواره‌وه‌ی ریخۆڵه ئه‌ستوره ئەمانەن:-
قه‌بزی ته‌واوه‌تی (واتا نه‌كردنی پیسایی سه‌ره‌كیترین نیشانه‌ی ده‌بێت و له‌گه‌ڵیدا ئازاری سك و ئاوسانی سك و هه‌ندێجار ڕشانه‌وه‌شی ده‌بێت.
ده‌ستنیشانكردنی ئەم نەخۆشیە چۆن دەبێت؟
بۆ ده‌ستنیشانكردنی گیرانی ریخۆڵه پشت ده‌به‌سترێت به نیشانه‌كانی نه‌خۆشیه‌كه، ئه‌نجامدانی پشكنینی سك و كۆم، گرتنی تیشك و سۆنار.
ئ.م
Comments are closed.