سوود و زیانەکانی خواردنى ماست چین؟
ناوەندى هەواڵەکان
دکتۆر کامهران ژاژڵهیی دەڵێت، ماست یهکێکه لهو خۆراکانهی، که پزیشکه پسپۆڕهکان کۆکن له سهر سووده تهندروستیهکانی، به یهکێک له باشترین خواردنهکان دادهنرێت به تایبهت له ژهمی بهیانی و ئێواره، دەشڵێت، لەکاتێکدا کەسێک حهساسیەتى به شیر هەیە نابێت ماست بخوات.
دکتۆر کامهران ژاژڵهیی، پسپۆڕی زانستی خۆراک لە نوسینێکدا ئاماژە بە سود و زیانەکانى ماست دەکات و دەقى نوسینەکەشى بەمجۆرەیە:-
ماست یهکێکه لهو خۆراکانهی، که پزیشکه پسپۆڕهکان کۆکن له سهر سووده تهندروستیهکانی، به یهکێک له باشترین خواردنهکان دادهنرێت به تایبهت له ژهمی بهیانی و ئێواره .
گرنگترین سووده تهندروستیهکانی ماست چین؟
یەکەم- ماست سهرچاوهیهکی باشه بۆ پڕۆتین، ههستی برسیهتی کهم دهکاتهوه له کاتی بهڕۆژبوون دا .
دووەم- ماست بڕێکی باش له ڤیتامینهکانی تێدایه وهک ڤیتامین ( B ) و ( D ) لهگهڵ کانزاکانی وهک کالسێوم و پۆتاسێوم و مهگنسێوم .
سێیەم- ماست دهوڵهمهنده به ماددهی پڕۆباتیکهکان، که بریتییه بهکتریا سوودبهخشهکان به لهش، که کاری کۆئهندمی ههرس ڕێک دهخات و پاش سک چوون یان وهرگرتنی ئهنتی باێوتیکهکان ژمارهی بهکتریا سوودبهخشهکان کهم دهکات و له ناو دهچن .
چوارەم- ماست بۆ خۆپاراستن له نهرم بوونهوهی ئێسک و کلۆربوونی ددان بەسودە.
پێنجەم- ماست یارمەتیدەر بۆ کهمکردنهوهی ئەگەرى تووشبوون به شێرپهنجهی قۆڵۆن .
شەشەم- ماستی بێ چهوری یارمهتی دابهزینی کۆلیستڕۆڵی خراپ و فشاری خوێن دهدات.
حەوتەم- ماستی بێ چهوری ڕێگری دهکات له زیاد بوونی کێش و قهڵهوی ورگ و یارمهتی دابهزینی کێش دهدات .
هەشتەم- ماست کاردەکات بۆ بههێزکردنی کۆئهندامی بهرگری لهش لهگهڵ ئاسانکردنی ههڵمژینی ههندێک ڤیتامین و کانزاکان له ڕیخۆڵهدا .
نۆیەم- ماستی بێ چهوری خۆراکێکی باشه بۆ ئهو کهسانهی حهساسیهتیان به شیر ههیه یان ئهو کهسانهی تههیجی کۆڵۆنیان ههیه .
دەیەم- ماست یهکێکه له باشترین خواردنهکان بۆ ژنان به مهرجێک ماستهکه له شیری بێ چهوری یان کهم چهوری بێت .
یانزەیەم- ماست یارمهتی ڕێککردنهوهی خهو ئهدات .
دوانزەیەم- ماست یارمهتی چاک بوونهوهی قورحه و ههوکردنی گهدده و دوانزهگرێ ئهدات به مهرجێک ماستهکه له شیری بێ چهوری یان کهم چهوری بێت.
زیانهکانی ماست چین؟
به شێوهیهکی گشتی ماست زیانی نیه بۆ مرۆڤ تهنها لهم حاڵهتانهدا نهبێت :-
یەکەم- حهساسهیت به لاکتۆز- له کاتی نهبوونی ئهنزیمی لاکتهیز، نابێت بخورێت.
دووەم- حهساسهیت به شیر- نابێت بخورێت و دهتوانرێت ماستی دروستکراو له شیری سۆیا یان گوێزی هیندی بخورێت.
ئ.م
Comments are closed.