وەزارەتی دەرەوەی ئێران دژی بڕیارنامەی پەرلەمانی ئەوروپا سەبارەت بە ژەهرخواردکردنی کچە خوێندکارەکان لە شارەکانی ئێران و ڕۆژهەڵاتی کوردستان هاتە دەنگ و ئەوروپا بە پارێزەری تاوانباران پێناسە دەکات.
ناسر کەنعانی، وتەبیژی وەزارەتی دەرەوەی ئێران، لە دوای بریارنامەکانی یەکێتی ئەوروپا دژی ئێران لەبەرامبەر ژەهرخواردکردنی کچە خویندکارەکان لە ئێران و ڕۆژهەڵاتی کوردستان هاتە دەنگ و دەڵێت لێکۆڵینەوەیان دەستپیکردوە.
وتەبێژی وەزارەتی دەرەوەی ئێران دەشڵێت: ئێران لە ئاستە بەرزەکانی وڵاتدا جیددییە ئەم بابەتە بەدواداچوونی بۆ دەکرێت و تیمە تایبەتمەندەکانی وەزارەتی تەندروستیش بە جددی درێژە بە توێژینەوەی مەیدانی و زانستی خۆیان دەدەن، دەرکردنی بڕیارنامەیەک لەلایەن پەرلەمانی ئەوروپا و دووبارەکردنەوەی لە تۆمەتی درۆ و بێ بنەما دژی وڵاتەکەمان جێگەی سەرسوڕمانە.
کەنعانی ڕاشیگەیاند: دەرئەنجامە سەرەتاییەکانی دەسەڵاتی قەزایی کۆماری ئیسلامی ئێران ئاماژە بەوە دەکەن کە بەشێک لە ئەنجامدەرانی ئەم تاوانە دەستنیشان کراون و لە ڕاستیدا سیستەمی کۆماری ئیسلامی ئێرانە کە دەبێ داواکار بێت لەم کارە گوماناوی و نامرۆڤانەیەدا.
وتیشی: پەرلەمانی ئەوروپا بووەتە شوێنێک بۆ بڵاوکردنەوەی ڕق و کینە لە دژی نەتەوەی ئێران و پڕۆژەی ئێرانۆفۆبیا بۆ ئەم کەسایەتییە گوماناوی و توندڕەوانە
وتەبێژی ئیدارەی سیاسەتی دەرەوەی ئێران جەختی لەوە کردەوە: پەرلەمانی ئەوروپا جارێکی دیکە بەناوی مافەکانی مرۆڤەوە هەڵدەستێتەوە بۆ بەرگریکردن لە هەمان تاوانباران و داوا دەکەن سزا نەدرێن.
ها-ع
Comments are closed.