تەرمی چوار شەهیدەكەی شەوی ڕابردووی ناوچەی جەندرێسی عەفرین لەلایەن هاوڵاتیانەوە بە ڕێپێوانی جەماوەرى و هەڵكردنی مەشخەڵ بەخاكسپێردران.
شەوی ڕابردوو، بەهۆی ئەوەی ژمارەیەک هاوڵاتیانی لە جەندرێسی سنوری عەفرین، لەسەربانی ماڵەکانیان ئاگری نەورۆزیان کردەوە لەلایەن چەتەکانی دەوڵەتی تورکی داگیرکەرەوە تەقەیان لێکراوە و بەوهۆیەوە چوار کەس شەهیدبوون.
بەرەبەیانی ئەمڕۆ، تەرمی ئەو چوار شەهیدە لەلایەن هاوڵاتیانی ناوچەكە بە هەڵكردنی مەشخەڵی ئاگرین و ڕێپێوان بەرەو گۆڕستانی جندرێس بەڕێكران و بەخاكسپێردران.
فەرحان عوسمان (٤٣) ساڵ و ئیسماعیل عوسمان (٣٨) ساڵ و محەمەد ئیسماعیل عوسمان (١٨) ساڵ و محەمەد عوسمان (٤٢) ساڵ، ئەو چوار هاوڵاتییەبوون، كە شەوی ڕابردوو لەلایەن چەتەكانی دەوڵەتی توركەوە شەهید كران.
س.س
Comments are closed.