هۆکارەکانی سەرئێشە لە بەیانیاندا کامانەن؟

دکتۆر بڵند گۆران دەڵێت، تووشبوون بە سەرئێشە لە بەیانیاندا، حاڵەتێکی بێزارکەرە، کە لە هەر ١٣ کەسێکدا یەکێکیان دووچاری دەبێت و چەندین هۆکاری هەیە لەوانەش کەمخەوى، خواردنەوە کحولیەکان و نەخۆشی شەقیقە.

دکتۆر بڵند گۆران، پسپۆڕی چارەسەری ئازاری درێژخایەن و ئازاری شێرپەنجەی لە نوسینێکدا ئاماژە بە هۆکارەکانى ڕوودانى سەرئێشە لە بەیانیاندا دەکات و دەقى نوسینەکەى بەمجۆرەیە:-

تووشبوون بە سەرئێشە لە بەیانیاندا، حاڵەتێکی بێزارکەرە، کە لە هەر ١٣  کەسێکدا یەکێکیان دووچاری دەبێت و چەندین هۆکاری هەیە، کە ئەمانەن :-

یەکەم- کەم خەوی

ئەو کەسانەی، کە حاڵەتی وەستانی هەناسەیان هەیە لەکاتی خەودا، توشى سەرئێشە دەبن لە بەیانیاندا.

ئەو کەسانەی، کە پڕخەیان هەیە لەکاتی خەوتندا زۆربەیان دووچاری سەرئێشە دەبنەوە لە بەیانیاندا .

زۆر خەوتن، ئەو کەسانەی، کە زیاتر لە ڕادەی پێویست دەخەون دووچاری حاڵەتەکە دەبنەوە.

زۆر خواردنەوەی کافاین لە شەوی پێشتردا، کە لە چا و قاوە و خواردنەوە وزەبەخشەکاندا هەیە هۆکاركن بۆ سەرئێشە لە بەیانیاندا .

خواردنەوە کحولیەکان

نەخۆشی شەقیقە

شێوازی خەوتن، هەندێک جار بەهۆی شێوازی خەوتنی ناتەندروستەوە سەرئێشە دروستەبێت لە بەیانیاندا.

چارەسەری ئازاری سەرئێشەکە پزیشکی پسپۆڕ دیاریدەکات بەپێی هۆکارەکان.

ئ.م