خانەوادەی زیندانیانی ئیمرالی داوای ئەنجامدانی چاوپێكەوتن دەكەن

ناوەندی هەواڵەکان

خانەوادەی ڕێبەر ئۆجالان و زیندانیانی دیکەی ئیمرالی، لە ڕێگەی پارێزەرەکانیانەوە داوایان کرد، مافی چاوپێکەوتنیان لە ئیمرالی پێبدرێت.

خانەوادەی عەبدوڵا ئۆجالان ڕێبەری گەلی کورد و عومەر خەیری کۆنار و هامیلی یەڵدرم و وەیسی ئاکتاش، سەردانی داواکاری کۆماریی بۆرسایان کرد و داوای ئەنجامدانی دیداریان کرد.

هەروەها خانەوادەکان، لە ڕێگەی داواکاری کۆماریی بۆرسا، بە هەمان ئامانج داواکاریان پێشکەشی زیندانی ئیمرالی کرد.

٢٦ مانگە هیچ زانیارییەک لەسەر عەبدوڵلا ئۆجالان رێبەری گەلی کورد نییە و دەوڵەتی تورك گۆشەگیرییەكی توندی خستووەتە سەر ئیمرالی و ڕێگە بە دیداری پارێزەر و خانەوادەکانیان نادات.

س.س