بەپێی زانیارییەکانی پەیامنێری ڕۆژنیوز لە شنگال، کەمێک لەمەوبەر فڕۆکەیەکی بێفڕۆکەوانی دەوڵەتی تورکی داگیرکەر، ماڵێکی لە ناوەندی شنگال بۆردوومان کرد، لە ئەنجامدا زەرەری ماددی زۆری لێکەوتووەتەوە، بەڵام هێشتا لەبارەی زەرەر و زیانەکانەوە زانیاریی ورد لەبەردەستا نییە.
جێگەی ئاماژەیە، لە چوارچێوەی سیاسەتی هاوبەشی پەدەکە و دەوڵەتی داگیرکەریی تورک، بۆ تێکدانی ئەزموونی خۆبەڕێوەبەریی شنگال و نەگەڕانەوەی ئاوارە ئێزدییەکان بۆسەر زێدی خۆیان، ڕۆژانە هێرش و بۆردوومان لەسەر شنگال ئەنجام دەدەن، لە ١٦ـی ئایاریش فڕۆکەی بێ فڕۆکەوانی دەوڵەتی داگیرکەریی تورک لە گوندی خانەسۆری سنوری شنگال بۆردومانی ماڵێکیان کرد.
Comments are closed.