زێلێنسکی: ئێستا ئۆکراین ئامادەیە ببێتە ئەندامی ناتۆ

ناوەندی هەواڵەکان

سەرۆکی ئۆکراین جەخت لەوە دەکاتەوە کە وڵاتەکەی ئامادەیە بۆ ئەوەی ببنە ئەندامی ناتۆ و پێویستیان بە سیستەمی بەرگری ئاسمانی و فڕۆکەی جەنگی زیاترە بۆ جەنگەکەیان بەرامبەر ڕووسیا.

ڤۆڵۆدیمێر زێلێنسکی سەرۆکی ئۆکراین ڕایگەیاند، وڵاتەکەی ئامادەیە بۆ ئەوەی ببێتە بەشێک لە هاوپەیمانی ناتۆ و ئێستا چاوەڕێی ئامادەبوونی لکاندنی کەرتی بەرگری وڵاتەکەیەتی بۆ ئەوەی ببێتە ئەندامێک لە هاوپەیمانێتییەکە.

سەرۆکی ئۆکراین، داوا لە وڵاتانی هاوپەیمانی دەکات، سیستەمی پاتریۆتی بەرگری ئاسمانی و فڕۆکەی جەنگییان پێ ببەخشن، چونکە هەموو ناوچەکانی ئەورووپا مەترسی جەنگیان لەسەر دروست بووە.

وتیشی: ئێستا ئامادەین بۆ ئەوەی ببنە ئەندامی هاوپەیمانی باکووری ئەتڵەسی ناسراو بە ناتۆ و ئەو گومانانەی ئەورووپا لە ئەندام بوونی ئۆکراینا هەیەتی تووشی مەترسی دەکات.

سەرۆکى ئۆکراین ڕوونیکردەوە، پشتیوانی لە مۆڵدۆڤا و خەڵکەکەی دەکەن لە یەکگرتنیان لەگەڵ یەکێتی ئەورووپا، چونکە ئەوان هاوکاری خەڵکی ئەویان کردووە و میواندارییان کردوون.

ه.ح