نیشانەکانى تەسکبوونەوەى خوێنبەرەکانى گورچیلە کامانەن؟

ناوەندى هەواڵەکان

دکتۆر زیرەک ئەنوەر دەڵێت، تووشبوون بە پەستانى خوێن لە پێش تەمەنى ٣٠ ساڵى یان دواى ٥٠ ساڵى و ئاوسان و کۆبوونەوەى شلە لە جەستەدا و سستبوونى دڵ بەشێک لە نیشانەکانى کەسى توشبوون بە نەخۆشى تەسککبوونەوەى خوێنبەرەکانى گورچیلە.

دکتۆر زیرەک ئەنوەر، پسپۆڕى نەشتەرگەریى نەخۆشییەکانى، سنگ و دڵ و بۆرییەکانى خوێن، لە نووسینێکدا ئاماژە بەو نیشانانە دەکات، کە دەریدەخات کەسێک تووشبووە بە نەخۆشى تەسکبوونەوەى خوێنبەرەکانى گورچیلە و دەقى نووسینەکەشى بەمجۆرەیە:-

نیشانەکانى تەسکبوونەوەى خوێنبەرەکانى گورچیلە کامانەن؟

یەکەم- زۆربەى جار لە سەرەتادا هیچ نیشانەیەک بە نەخۆشەکەوە دیار نابێت تا دەگاتە قۆناغى مەترسیدار.

دووەم- دەرکەوتنى لەپڕى بەرزە پەستانى خوێن یان بوونى بەرزە پەستانى خوێن بە بێ بوونى هیچ هۆکارێک.

سێیەم- توشبوون بە بەرزە پەستانى خوێن لە پێش تەمەنى ٣٠ ساڵى یان دواى ٥٠ ساڵى.

چوارەم- بوونى بەرزە پەستانى خوێن، کە بە ئاسانى کۆنتڕۆڵ ناکرێت.

پێنجەم- بوونى پڕۆتین لەناو میزدا.

شەشەم- ئاوسان و کۆبوونەوەى شلە لە جەستەدا.

حەوتەم- سستبوونى دڵ.

ئـ.م