یەبەشە: بەهۆی بۆردوومانی دەوڵەتی داگیرکەری تورک سێ هاوڕێمان شەهید بوون

ناوەندی هەواڵەکان

نیوەڕۆی ئەمڕۆ ئۆتۆمبێلێک لەلایەن دەوڵەتی داگیرکەری تورک بۆردوومانکراو و یەبەشەش ڕایدەگەیەنێت ئۆتۆمبێلەکە سەر بە هێزەکانی ئەوان بوە و بۆردوومانکراوە و قوربانیان هەیە .

ڕاگەیاندنی یەکینەکانی بەرخۆدانی شنگال ( یەبەشە) بڵاویکردوەتەوە، نیوەڕۆی ئەمڕۆ دەوڵەتی فاشیستی تورک ئۆتۆمبێلێکی هێزەکانمانی بۆردوومانکردوە و سێ هاورێمان شەهید بوون .

لە ڕاگەیەنراوەکەی یەبەشەدا هاتوە، ئەمڕۆ کاتژمێر ١:٥٠ خولەک ئۆتۆمبێلێکی هێزەکانمان لەلایەن فڕۆکەی بێفڕۆکەوانی فاشیست و کوشندەکانی دەوڵەتی داگیرکەری تورکەوە بۆردوومانکرا و لە ئەنجامی ئەو هێرشە دڕندانەیەدا، سێ هاوڕێمان شەهید بوون.

ئەوەش لە ڕاگەیەنراوەکەدا هاتوە، ئەم هێرشانەی دەوڵەتی داگیرکەر و مرۆڤکوژی تورک، بەمەبەستی له ناوبردنی سەقامگیری شنگال و گەڕانەوەی گەلەکەمانە بۆ زێدی خۆیانه.

ئاماژە بەوەشدراوە، دوژمن و خیانەتکارەکان پێویستە بزانن، ئێمە لەسەر ڕێگای شەهیدەکانمان دەڕۆین، تا ئەو کاتەی دەگەین بە ئامانجەکەمان، ئێمە واز لەو خەبات و بەرخۆدانە ڕەوایە ناهێنین هەتا سەرکەوتن بەدەست دەهێنین.

لە کۆتایی ڕاگەیەنراوەکەدا باسی لەوەشکردوە، ناسنامەی هاوڕێ شەهیدەکانمان له داهاتوویەکی نزیکدا بۆ گەل و هاوڵاتیانی خۆمان ئاشکرای دەکەین.

هاوکات ئەمڕۆ تەرمی هەر سێ شەهیدەکە ڕەوانەی پزیشکی دادی موسڵ کرا و پاش لێکۆڵینەوەکان بە خاک دەسپێدرێن.

ر.س