تەرمی دەنیز جەودەت ڕادەستی کەسوکارەکەی دەکرێتەوە

ڕۆژنیوز – هەولێر

بڕیارە بەیانی تەرمی دەنیز جەودەت بەپرسی ئۆفیسی کەنەکە لە شاری هەولێر ڕادەستی کەسوکارەکەی بکرێتەوە، بە مەراسیمێک بەرەوباکووری کوردستان بەڕێ دەکرێت.

دوای تەواوبوونی ڕێکارە یاسایی و تەندروستییەکان، تەرمی دەنیز جەودەت بەیانی ڕادەستی کەسوکارەکەی دەکرێتەوە، هەروەها بەمەراسیمێکی شایستە لە ئۆفیسی کەنەکەوە بەرەو باکووری کوردستان بەڕێ دەکرێت.

کۆنگرەی نەتەوەیی کوردستان-کەنەکە، بەیانی کاتژمێر هەشت لە ئۆفیسی سەرەکەیان لە شاری هەولێر مەراسیمێک ساز دەکات بۆ بەڕێکردنی تەرمی شەهید دەنیز جەودەت بەرەو باکووری کوردستان.

تەرمی دەنیز جەودەت لە باکووری کوردستان و لە مەراسیمێکدا لە گوندی دێلەزێ لە شارۆچکەی گەڤەری پارێزگای جولەمێرگ بە خاکدەسپێردرێت.

پاشنیوەڕۆی ١٨ـی ئەم مانگە، لە شاری هەولێر هێرش کرایە سەر بارەگای کۆنگرەی نەتەوەیی کوردستان- کەنەکە، بەم هۆیەوە دەنیزجەودەت بەرپرسی نوێنەرایەتی کەنەکە لە هەولێر و نوێنەری کەنەکە لە باشووری کوردستان تیرۆر کرا، تا ئێستا بکوژەکەی دەستگیر نەکراوە.

ه.ح