هەپەگە ناسنامەی پێنج گەریلای ڕاگەیاند کە لە بۆتان و ئامەد شەهیدبوون

لە 22/09/2023 - 15:40

ناوەندی هەواڵەکان

ناوەندی ڕاگەیاندنی هەپەگە ناسنامەی پێنج گەریلای ڕاگەیاند کە لە ١٧ی ئەیلول لە ناوچەکانى بۆتان و ئامەد شەهید بووم و دەشڵێت: بەڵێن دەدەین تۆڵەی شەهیدانمان بکەینەوە، تێکۆشانی شەهیدانمان بەرەو سەرکەوتن دەبەین.

لە ڕاگەیەندراوێکدا، ناوەندی ڕاگەیاندن و چاپەمەنی هێزەکانی پاراستنی گەل–هەپەگە، ناسنامەی پێنج گەریلای شەهیدى ئاشکرا کرد، کە لە بۆتان و ئامەد شەهیدبوون.

ناوەندی چاپەمەنی و ڕاگەیاندنی هەپەگە لەبارەی شەهیدەکانەوە ئەم زانیارییەی ڕاگەیاند:

” سەرلەبەیانی ١٧ی ئەیلولی ٢٠٢٣ لە گۆڕەپانی لجێی ئامەد لە نێوان گروپێک لە هاوڕێیانمان و سوپای تورکی داگیرکەردا شەڕێکی سەخت ڕوویدا و تا ئێوارە بەردەوام بوو، لەو شەڕەدا گورزی قورس لە دوژمن وەشێندرا، سوپای تورکی داگیرکەر کە لە بەرامبەر بەرخودان و ئازایەتی و گیانبازی هەڤاڵانمان نەیتوانی بگات بە ئەنجام، بە هەلیکۆپتەری هێرشبەر و فڕۆکەی شەڕ بە چڕی ناوچەکەی بۆردوومان کرد، لەو شەڕەدا ئەندامی دەستەی فەرماندەیی هەپەگە و یەژاستار و فەرماندەی ئەیالەتی ئامەد هاوڕێمان ئاخین موش و هاوڕێیانمان عەگید، ڕۆهات و دەمهات شەهیدبوون.

ڕۆڵە قارەمانەکانی کوردستان هەڤاڵانمان ئاخین موش، عەگید، ڕۆهات و دەمهات و ڕێناس وەک جەنگاوەرانی بژاردەی گەلەکەمان بەشدارییان لە ناو تێکۆشانی ئازادیماندا کرد، بە گیانبازی بوونە ئەو پێشەنگانەی کە دەبنە نمونە و سەرمەشقی گەنجانی کورد، بەم جۆرە جێگەی خۆیان لە مێژووماندا کردەوە، هاوڕێیانمان عەگید، ڕۆهات و دەمهات میراتێکی گەورەی تێکۆشانیان بۆ بەجێهێشتین.

سەرەخۆشی لە تەواوی گەلی وڵاتپاڕێزی کوردستان بە تایبەتی بنەماڵەی بەنرخ و بەڕێزی هاوڕێیانمان ئاخین، عەگید، ڕۆهات و دەمهات دەکەین و بەڵێن دەدەین کە تۆڵەیان بکەینەوە و ئەو تێکۆشانەی شەهیدان ڕادەستی ئێمەیان کردووە، بە دڵنیاییەوە دەگەیەنینە سەرکەوتن.

زانیاری لە سەر ناسنامەی هاوڕێ شەهیدەکانمان بەم جۆرەیە: