بەردى زراو کەى درووست دەبێت و چارەسەرەکەى چییە؟

ناوەندى هەواڵەکان

دکتۆر بەهزاد وسوو دەڵێت، بەردی زراو كاتێك درووست دەبێت، كە هاوسەنگی كیمیایی شلەی زراو تێك دەچێت و دەبێتە هۆی نیشتنی كریستاڵەكان، دەشڵێت، لە ١٥%ى هاوڵاتییان توشى ئەم حاڵەتە دەبن و تەنها چارەسەریش ئەنجامدانى نەشتەرگەرییە.

دکتۆر بەهزاد وسوو، پسپۆڕی نەشتەرگەری گشتیی و نەشتەرگەری کۆئەندامی هەرس، غوددەکان و لابردنی تورەکەی زراو لە نووسینێکدا ئاماژە بەوە دەکات کەى بەردى زراو درووست دەبێت و ڕێگاى چارەسەرکردنى چییە کە دەقى نوسینەکەى بەمجۆرەیە:-

بەردى زراو لە چ کاتێکدا درووست دەبێت؟

بەردی زراو كاتێك درووست دەبێت، كە هاوسەنگی كیمیایی شلەی زراو تێك دەچێت و دەبێتە هۆی نیشتنی كریستاڵەكان.

ڕێژەى چەندى هاوڵاتییان بەردى زراو درووست دەکەن؟

لە ١٥%ى هاوڵاتییان توشى ئەم حاڵەتە دەبن و تەنها چارەسەریش ئەنجامدانى نەشتەرگەرییە.

ئایا دەگونجێت نەشتەرگەری بەردى زراو دوابخرێت ؟

بەڵێ دەگونجێت، بەڵام لەسەر پزیشك پێویستە هەموو ماكەكانی نەكردن یان، دواخستنی نەشتەرگەریەكەی بۆ نەخۆش ڕوون بكاتەوە بە تایبەتی ماكی توشبوون، بە هەوكردنی پەنكریاس، كە حاڵەتێكی مەترسیدارە و زیاتر لەگەڵ بەردی بچوكدا ڕوودەدات نەك بەردی گەورە، بۆیە لەگەڵ ڕوودانی ئەم ماكەدا هیچ بوارێك نامێنێ بۆ دواخستنی نەشتەرگەرییەكە و دەبێ بە زوویی تورەكەی زراوەكە لاببرێت، بۆ ئەوەی جارێکی تر تووشی هەوكردنی پەنكریاس نەبێتەوە.

ئـ.م