لە نۆ مانگی ڕابردوودا ١٨ کرێکار گیانیان لەدەستداوە

ناوەندی هەواڵەکان

یەکێتی سەندیکای کرێکاران لقی سلێمانی ئاماری گشتیی گیانلەدەستدانی کرێکارانی لە نۆ مانگی ئەمساڵدا بڵاوکردەوە و تێیدا ئاماژە بەوە کراوە لەو نۆ مانگەدا ١٨ کرێکار گیانی لەدەستداوە.

بەپێی ئاماری سەندیکای کرێکارانی لقی سلێمانی کە وێنەیەکى دەست ڕۆژنیوز کەوتووە، تەنیا لەم مانگەدا سێ کرێکار گیانیان لەدەستداوە، و لە نۆ مانگی ڕابردووشدا ژمارەی ئەو کرێکارانەى گیانیان لەدەستداوە ١٨ کرێکار بووە.

سەندیکای کرێکاران لقی سلێمانی داوا لە داواکاری گشتی دەکاتە بەدواداچوون بۆ سەلامەتی و مەرجەکانی پارێزگاری لە کرێکاران بکات.

ئەم ئامارە لەکاتێکدایە ئەمڕۆ کرێکارێکی تەمەن ٣٤ ساڵ کە پیشەى پێشمەرگە بووە لە باڵەخانەیەکى پڕۆژەی نیشتەجێبوونی” دایک” کەوتە خوارەوەو دەست بەجێ گیانى لەدەستدا.

ه.ح