بەلەمێکی کۆچبەران بە ٨٠ کۆچبەرەوە لە ئاوەکانی ئیتاڵیا پەکی کەوتووە

ناوەندی هەواڵەکان

زیاتر لە ٨٠ کۆچبەری ئێرانی و ئەفغانی و کورد لەکەنارە ئاوییەکانی ئیتاڵیا گیریان خواردووە و داوای بەھاناوەچوون دەکەن.

ڕەنج پشدەری ڕۆژنامەنووس و چالاکوان لەکاروباری پەنابەران ڕایگەیاند، بەلەمێکی کۆچبەران کە ٨٣ کۆچبەری تێدایە ماوەی پێنج ڕۆژە لە ئاودایە ئێوارەی ئەمڕۆ لەکەنارە ئاوییەکانی ئیتاڵیا پەکی کەوتووە.

ئاماژەى بەوەشکردوە، بەلەمەکە ژن و منداڵیی تێدایە و داوای فریاگوازاری بەپەلە دەکەن، ژمارەیەک کوردیش کە لەناو بەلەمەکەدا پەیوەندییان بە کەسوکارییانەوە کردوە.

لەچەند ڕۆژی ڕابردووشدا دوو بەلەمی کۆچبەران لە ئاوەکانى ئیتاڵیا وەرگەڕا، بەڵام لەلایەن تیمەکانى ئیتاڵیاوە ڕزگار کران.

ه.ح