یەکێک لە بریندارەکانى بۆردوومانەکەى قەندیل شەهید بوو

بناری قەندیل

ئەمڕۆ فڕۆکەی بێ فڕۆکەوانی دەوڵەتى داگیرکەری تورک دوو جار لەسەر یەک بۆردوومانی گوندی بۆکریسکانی لە بناری قەندیل کرد و بەهۆیەوە دوو هاوڵاتیی برینداربوون و یەکێک لەوانە شەهید بوو.

پەیامنێری ڕۆژنیوز لە بناری قەندیل ڕایگەیاند، ئەمڕۆ فڕۆکەی بێ فڕۆکەوانی دەوڵەتى داگیرکەری تورک دوو جار لەسەر یەک بۆردوومانی گوندی بۆکریسکانی لە بناری قەندیل کرد و بەهۆیەوە دوو هاوڵاتیی مەدەنی بەناوەکانى “میرزا ئیبراهیم و ئەستى محەمەد” برینداربوون  و دەستبەجێ ڕەوانەى نەخۆشخانە کران.

ئاماژەى بەوەشکرد، بەهۆی سەختی برینەکەیەوە یەکێک لە بریندارەکان بە ناوی “ئەستی محەمەد” لە ڕێگادا بۆ نەخۆشخانە گیانی لەدەستدا و لە ئێستادا تەرمەکەی لە پزیشکی دادی ڕانییەیە، بریندارەکەى دیکەش لە ئێستادا چارەسەری بۆ دەکرێت.

هـ.ح