زریانی دانیاڵ بۆ دووەمین جار ڕووی لە یۆنان کردەوە و باری نائاسایی ڕاگەیەنرا

ناوەندی هەواڵەکان

لە دوای زریانی گەورەی دانیاڵ لە لیبیا، زریان و لافاوێکی بەهێز بۆ دووەمین جار ڕووی لە شارەکانی یۆنان کردوە و بەشێک لە گوندەکانی دەوروبەری شارەکان چۆڵکراون .

ئەمڕۆ دەسەڵاتدارانی شاری ڤۆلۆس لە یۆنان ڕایانگەیاند، بەهۆی هەڵکردنی زریان و لافاو لە شارەکە قەدەغەی هاتووچۆیان ڕاگەیاندووە و گوندەکانی دەوروبەری شارەکەش چۆڵکراون.

بەرپرسانی یۆنان ئاماژەیان بەوەشداوە، ئەو زریان و لافاوانە لە ماوەی سێ هەفتەدا، بۆ دووەمین جارە ڕووبەروی شارەکە ببێتەوە

ئەمە لەکاتێکدایە لە سەرەتای مانگی ئەیلول زریانی دانیاڵ ڕووی لە یۆنان کرد، کە بووە هۆی گیان لەدەستدانی ١٧ کەس و زیانێکی زۆری بە ئاژەڵ و بەرهەمە کوشتوکاڵییەکانی جوتیاران گەیاند.

دواتریش، زریانەکە ڕووی لە وڵاتی لیبیا کرد و بەهۆیەوە نزیکەی سێ هەزار کەس گیانیان لەدەستدا و هەزاران کەسیش بێسەروشوێن بوون و نزیکەی ١٢ هەزار کەس ئاوارەبوون .

ر.س