باشترین جۆرهکانی سەوزە بۆ نەخۆشانی توشبووى شەکرە کامانەن؟
ناوەندى هەواڵەکان
دکتۆر کامەران ڕەسوڵ دەڵێت، خواردنی سەوزە ڕۆڵێکی سەرەکی هەیە لە کۆنترۆڵکردنی ئاستی شەکرەی خوێن و باشترین سەوزەکانیش، کە پێویستە توشبووانى شەکرە بیخۆن ئەمانەن، خەیار، سپێناخ، جەرجیر، کولەکە، بیبەرى تون، بامیە و گێزەر.
دکتۆر كامەران ڕەسوڵ ژاژڵەیی، پسپۆڕی زانستی خۆراك لە نووسینێکدا ئاماژە بە باشترین ئەو سەوزانە دەکات، کە پێویستە توشبووانى نەخۆشى شەکرە بەکارى بێنن و دەقەکەشى بەمجۆرەیە:-
خواردنى سەوزە چى گرنگیەکى هەیە؟
خواردنی سەوزە ڕۆڵێکی سەرەکی هەیە لە کۆنترۆڵکردنی ئاستی شەکرەی خوێن و بەرنامەی خۆراکی تهندرووست تایبهت بە نەخۆشی شەکرە.
باشترین جۆرهکانی سەوزە بۆ نەخۆشانی توشبووى شەکرە کامانەن؟
یەکەم– خەیار، بڕێکی کەم کالۆری تێدایە و دەوڵەمەندە بە ماددە ڕیشاڵیەکان و ئاو و ڕۆلێکی بەرچاوی هەیە لە کۆنتڕۆڵکردنی ئاستی شەکرەی خوێن.
دووەم– بڕۆکلی، بەهۆی بوونی ماددەی سۆلفاڕافۆنەوە (sulfaraphone) کە یارمەتی دابەزاندنی ئاستی شەکرەی خوێن ئەدات لەگەڵ بەهێزکردنی کاریگەری هۆرمۆنی ئەنسۆلین و کەمکردنەوەی نیشانهکانی هیلاکی ئۆکساندنهکان.
سێیەم– سپێناخ، دەوڵەمەندە بە زۆرێک لە ڤیتامین و کانزاکان و ماددە ڕیشاڵییەکان و پڕۆتین، کە گرنگن بۆ نەخۆشی شەکرە و لە هەمان کاتدا گلاسیمێک ئیندێکسەکەی زۆر کەمە.
چوارەم– سەوزە گەڵا تۆخەکان: وەک کاهوو، جەرجیر، کەلەرم، قەرنابیت، شێلم.
پێنجەم– بیبەری توون و کولەکە و کولەکەی زەرد.
شەشەم– فاسۆلیای سەوز و لۆبیا و بەزالیای سەوز.
حەوتەم– بامیە
هەشتەم – گێزهر
نۆیەم– تەماتە
دەیەم– سڵق و هلیۆن یا خەرشووف
یانزەیەم– ڕێواس و کنگر و کاردی و گژوگیا بەهاریەکانی تر.
ئـ.م
Comments are closed.