پەرلەمانتارێکى پێشووى هەرێم: ئەوەی لە هەولێر ڕوویداوە لەبارەی لافاو بێ پلانییە

ناوەندی هەواڵەكان

پەرلەمانتارێكی پێشووی پەرلەمانی هەرێمى كوردستان ئاماژە بەو هەموو لافاوەی لەناو پارێزگای هەولێر دەدات و دەڵێت: لەساڵی ٢٠١٢ ئاگاداری ئەوەین هەولێر بێ خزمەتگوزاریی ئاوەڕۆیە، دەشڵێت، ساڵی ٢٠١٢ پارێزگاری ئەو كاتی هەولێر پێی وتین، هەولێر ئاوەڕۆی نییە و پێویستی بە ٧٠٠ ملیۆن دۆلارە بۆ چارەسەرى ئەو پرسە.

لە ماوەكانی ڕابردوو، هەولێر بووەتە سەردێڕی هەموو كەناڵە میدییاییەكان لە وەرزی پایز و زستاندا، بە دوو كاتژمێر بارانبارین كارەسات ڕوودەدات و لافاو درووست دەبێت، لە كاتێكدا لەو شارە هەر باڵەخانەی چەند نهۆمییە و بەرز دەبێتەوە.

سەرهەنگ فەرەج لە لاپەڕەی تایبەتی خۆی لە تۆڕى کۆمەڵایەتى فەیسبووک نووسیویەتی: ساڵی ٢٠١٢ پارێزگاری ئەو كاتی هەولێر پێی وتین، هەولێر ئاوەڕۆی نییە و پێویستی بە ٧٠٠ ملیۆن دۆلارە بۆ چارەسەرى ئەو پرسە.

سەرهەنگ فەرەج باسی لەوەش كردووە: هەر بە وتەی پارێزگاری پێشووی ئەو كات، کە نەوزاد هادی بوو ئەو پڕۆژە خزمەتگوزارییەی بۆ هەولێر بە ناوی ئاوەڕۆوە كراوە سەرخانە و ژێر خانی نییە، ئەوەش تەنها بێ پلانییە.

چەند ساڵێك لەمەوبەر بەهۆی بارینی بارانێكی زۆرەوە كارەساتێكی مرۆیی لە شاری هەولێر ڕوویدا و بەو هۆیەوە ١٢ كەس گیانیان لەدەستدا و سەدان مەڕو ماڵات و ئۆتۆمبێل و خانوو و شوێنی گەشتیاری زیانێكی زۆری بەركەوت و بە كارەساتی ساڵ ناوی دەركرد.

ب. هـ

Comments are closed.