بەهۆی تەقەی ئەكادیمیای سەربازیی زاخۆ كەسێك گیانی لەدەست دا

ناوەندی هەواڵەكان

بەڕێوەبەرایەتی پۆلیسی زاخۆ ڕایگەیاند، بەهۆی گولـلەیەكی وێڵەوە كەسێك گیانی لەدەستداوە، ڕووداوەکە لە کاتێکدا بووە کە مەشق و ڕاهێنانی فێرخوازانى ئەکادیمیای زاخۆ بووە.

سەرلەبەیانی ئەمڕۆ هاوڵاتیی شكور خۆدێدای تەمەن ٥٤ ساڵ، لە كەمپی چەمشكۆی زاخۆ بەهۆی گولـلەی وێڵەوە گیانی لەدەست دا.

بەپێی زانیارییەكان كەمپی چەمشكۆ نزیكە لە ئەكادیمیای زاخۆوە، لە كاتی مەشق و ڕاهێنانی فێرخوازانی ئەكادیمیاكە، بەهۆی گولـلەی ئەوانەوە هاوڵاتییەكی شنگال و دانیشتووی كەمپەكە گیانی لەدەستداوە.

ئاماژە بەوەش كراوە، پەڕاوی لێكۆڵینەوە بۆ ڕووداوەكە دەستی پێ كردووە، هاوكات تەرمی هاوڵاتییەكە ڕەوانەی پزیشكی دادوەری پارێزگای دهۆك كراوە.

ب. هـ

Comments are closed.