كۆڵبەرێكی كورد بە تەقەی هێزە چەكدارەكانی ئێران كوژرا

ناوەندى هەواڵەکان

كۆڵبەرێكی كورد لە كاتی كۆڵبەریكردن لە سنووری شارى بانە لە ڕۆژهەڵاتى کوردستان بە تەقەی ڕاستەوخۆی هێزە چەكدارەكانی ئێران كوژرا.

میدیاكانی ڕۆژهەڵاتی كوردستان بڵاویان كردووەتەوە، كۆڵبەرێكی كوردى تەمەن ٢٨ ساڵ بەناوی ئەهوەن دەشتی دانیشتووی گوندی میرەدێی بانە بە تەقەی ڕاستەوخۆى هێزە چەکدارەکانى ئێران كوژراوە.

بەپێی ئەو زانیارییانەی میدیاكانی ڕۆژهەڵاتی كوردستان بڵاویان كردووەتەوە، دوێنێ دووشەممە ئەهوەن دەشتی لە كاتی كۆڵبەری لە سنووری هەنگەژاڵی بانە بە تەقەی ڕاستەوخۆی هێزە ئەمنییەكان كوژراوە و تا ئێستا تەرمەكەی ڕادەستی خانەوادەكەی نەكراوەتەوە.

بەپێی ئاماری میدیاكانی ڕۆژهەڵاتی كوردستان، لە سەرەتای ئەمساڵەوە تا ئێستا ١٧ هاووڵاتی كۆڵبەری پارێزگای بانە بە تەقەی هێزە چەكدارەكانی ئێران كوژراون.

ب. هـ

Comments are closed.