دوو گەنج لەسەر بڵاوكردنەوەی درووشمی ئایینی لە بەغدا دەستگیركران

ناوەندی هەواڵەكان

هێزەكانی ئەمنی بەغدا دوو گەنجیان دەستگیركرد کە سەرقاڵی بڵاوكردنەوەی درووشمی ئایینی بوون، کە ئەو درووشمانە لەلایەن هێزە ئەمنییەکان بە بڵاوکردنەوەى توندڕەوی ئاینی لەقەڵەمدراون.

لە كاتی بڵاوكردنەوەی چەند درووشم و فەرموودەیەكی ئایینی، هێزە ئەمنییەكانی بەغدا دوو گەنجی تەمەن ٢٠ ساڵانیان دەستگیركرد و دەستیان بەسەر ئۆتۆمبێلەكەیاندا گرت، کە ئەو درووشمانە لەلایەن هێزە ئەمنییەکان بە بڵاوکردنەوەى توندڕەوی ئاینی لەقەڵەمدراون.

سەرچاوە ئەمنییەكانی بەغدا ئاماژەیان بەوەكردووە، لە ناوچەی غەزالییەی پارێزگای بەغدا، دوو گەنجی تەمەن ٢٠ ساڵانیان دەستگیركردووە لەكاتی هەڵواسین و بڵاوكردنەوەی چەند درووشم و فەرموودەیەكی ئایینی ئیسلام، هاوكات دەستیان بەسەر ئۆتۆمبێلەكەشیاندا گرتووە و چەندین بڵاوكراوە و دروشمی ئایینی تێدا بووە.

لەلایەكی دیكەوە، تا ئێستا لایەنی فەرمی ئەمنی بەغدا هیچ جۆرە لێدوانێكی لەبارەی دەستگیركردنی ئەو دوو گەنجە و هۆكاری دەستگیركردنیان نەخستووەتە ڕوو.

ب. هـ

Comments are closed.