نزیکەی ١٢ هەزار هاوڵاتی عێراقی داوای مافى پەنابەرییان لە ئەڵمانیا کردووە

ناوەندی هەواڵەكان

وەزارەتی كۆچ و كۆچبەرانی ئەڵمانیا بڵاوى کردەوە، لە مانگی ڕابردوودا ١٦٥ هەزار هاووڵاتی عێراقی، سووریی و تورکی داوای مافی پەنابەرییان لە وڵاتەکەیان كردووە، کە لەو ژمارەیە ١١ هەزار و ٥٠٠ـیان هاوڵاتی عێراقن.

وەزارەتی كۆچ و كۆچبەرانی ئەڵمانیا ئامارێكی لەسەر ڕۆیشتنی كۆچبەران بۆ وڵاتەکەى بڵاو كردووەتەوە، تێیدا هاتووە زۆرترین هاووڵاتی سووری، توركی و عێراقی داوای مافی پەنابەرێتییان كردووە.

ڕەوشی ووڵاتی سووریا بەهۆی دەستوەردانەكانی ڕژێمی تورك تا دێت بەرەو خراپبوون دەڕوات، ڕۆژانە بە فڕۆكە بۆردوومانی ناوچەكانی ڕۆژئاوای كوردستان دەكات، هاوكات ڕەوشی ناوخۆی وڵاتەكەی تا دێت بەرەو خراپی دەڕوات، ئەمە وێرای ئەوەی لە ناوخۆ باری ئابووریی و ئەمنیی تەواو لاوازە، هێرشەكانی بۆ سەر ناوچەكانی ڕۆژئاوا و باشووری كوردستان بەردەوامی هەیە، ئەمەش وایكردووە هاووڵاتییانی عێراق، ئێران، سووریا و توركیا بچنە دەرەوەی وڵاتەكانی خۆیان.

ئامارەكەی وەزارەتی كۆچ و كۆچبەرانی ئەڵمانیا ئاماژە بەوە دەكات، لە ماوەی مانگی ڕابردوو ٩٧ هەزار هاووڵاتیی سووری و ٥٧ هەزار هاووڵاتیی توركی و ١١ هەزار و ٥٠٠ هاووڵاتیی عێراقی و زیاتر لە نۆ هەزار هاووڵاتیی ئێرانی، داوای مافی پەنابەرییان لە ووڵاتەکەمان كردووە.

ئاماژە بەوەشكراوە، بەشێكی كەم لەوانەی داوای مافی پەنابەرێتییان كردووە، جاری دووەمە داوای مانەوە لەو ووڵاتە دەكەن.

وێرای شەڕی دوو مانگەی نێوان حەماس و ئیسرائیل، لە ئامارەكەی كۆچ و كۆچبەرانی ئەڵمانیا ژمارەی هیچ هاووڵاتییەكی فەڵەستنی تۆمار نەكراوە.

ب. هـ

Comments are closed.