كتێبی كورد لەنێوان بوون و ئازادییدا بڵاوكرایەوە

هەڵەبجە

كتێبی كورد لەنێوان و بوون و ئازادییدا لە مەراسیمێکدا لە هەڵەبجە بڵاوكرایەوە کە ناوەڕۆكەكەی لە فكر و فەلسەفەی ڕێبەر ئاپۆوە سەرچاوەی گرتووە، كتێبەكە پێشكەشی ڕێبەر ئاپۆ و شەهید دیارغەریب كراوە و نووسەری کتێبەکەش دەڵێت: ئەم پەرتووكە گۆشە نیگایە بە ئاشناكردنی كۆمەڵگەی كوردی بە ڕاستییەكانی خۆی.

ئێوارەی ئەمڕۆ، لە كتێبخانەی هەژار موكریانی لە شاری هەڵەبجە، كتێبی سەركێشی كورد لەنێوان و بوون و ئازادییدا، لەدوو توێی ٥٢٠ لاپەڕەدا بڵاوكرایەوە.

هەردی دولبەر، نووسەری كتێبەكە بۆ ڕۆژنیوز وتی: كتێبەكە لەژێر ناوی سەركێشی كورد لەنێوان بوون و ئازادییدا نووسراوە، ناوەڕۆكەكەی خوێندنەوەیەكی جیاوازە بۆ پرسی كورد و كایەی سیاسیی لە ڕۆژهەڵاتی ناوەڕاست،  لەگۆشەنیگای زهنێکی كوردانەوە نوسراوە، جیاواز لەو مۆدێلە باوانەی دیكە شیكاری كۆمەڵگەی كوردی پێدەكرێت.

هەردی دولبەر وتیشی: ماوەی پێنج ساڵە سەرقاڵی نووسینی ئەو كتێبە بوومە، تێیدا ١٤٧ سەرچاوەم بەكارهێناوە، قەبارەكەی ٥٢٠ لاپەڕەیە، تێیدا تەواوی كێشەكانی كورد گەنگەشەكراوە، كۆی پەرتووكەكەش لەژێر ڕۆشنایی و فكر و فەلسەفەی ڕێبەر ئاپۆ نووسراوە، خودی كتێبەكە پێشكەشی ڕێبەر ئاپۆ و شەهید دیار غەریب كراوە.

باسی لەوەشكرد، لەكایەی ڕۆشنبیریی كوردا غیابێكی گەورە هەیە، ئەویش ئەوەیە چۆن بتوانین قسە و شیكاریی بۆ كێشە و ئاریشەكان بكەین، ئەم پەرتووكە گۆشەنیگایە بە ئاشناكردنی كۆمەڵگەی كوردیی بە ڕاستییەكانی خۆی، جارێكی دیكە پێناسەی كایەی سیاسیی و پرسگەلێكی وەك نەتەوە و زمان و ئایدۆلۆژیا و پرسی ئازادیی ژنی كردوە.

ه ح

Comments are closed.