یەپەژە ناسنامەی شەهیدەکانی هێرشەکەی قامیشلۆی ئاشکرا کرد

ناوەندی هەواڵەکان

فەرماندەیی گشتیی یەپەژە ڕایگەیاند، لە هێرشێکی دەوڵەتی داگیرکەریی تورک لە ١١ـی ئەم مانگەدا، بۆسەر ناوەندی فێدراسیۆنی کەمئەندامانی شەڕ لە باکوور و ڕۆژهەڵاتی سووریا، لە ئەنجامدا سۆرخوین ڕۆژهەڵات، فەرمانداری ناوەندەکە و ئازادی دێرک شەهید بوون.

فەرماندەیی گشتیی یەکینەکانی پاراستنی ژنان-یەپەژە، ڕاگەیاندراوێكی لە بارەی ئاشکرا کردنی ناسنامەی دوو شەهید بڵاوکردەوە، کە لە ١١ـی ئەم مانگە، بە هۆی هێرشێکی دەوڵەتی داگیرکەریی تورک بۆ سەر ناوەندی فێدراسیۆنی کەمئەندامانی شەڕ لە باکوور و ڕۆژهەڵاتی سووریا شەهید بوون بڵاوکردەوە.

لە ڕاگەیاندراوەکەی یەپەژەدا هاتووە، لە ١١ـی ئەم مانگە، دەوڵەتی داگیرکەریی تورک، بە فرۆکەی بێفڕۆکەوان، هێرشێکی نامەردانەی بۆسەر ناوەندی فێدراسیۆنی کەمئەندامانی شەڕ لە باکوور و ڕۆژهەڵاتیی سووریا ئەنجامدا، بە هۆیەوە فەرماندار و هاوڕێمان سۆرخوین ڕۆژهەڵات و ئازادی دێرک شەهید بوون.

ئاماژەشیان بەوە کردووە، بە ڕێزەوە ڕۆحی پاکی شەهیدانمان بە بیر دەهێنینەوە و سەری ڕێز و نەوازشیان بۆ دادەنەوێنین، سەرەخۆشی لە خانەوادەی شەهیدان و تەواوی ژنانی شۆڕشگێڕ دەکەین، بەڵێن دەدەین کە خوێنی ئەوان لە زەوی نامێنێت، تۆڵەسەندنەوەیان ئەرکی سەرەکی ئێمەیە.

یەپەژە ناسنامەی شەهیدەکانی بەمشێوەیە خستووەتەڕوو:-

ناسناو: سۆرخوین ڕۆژهەڵات

ناو و پاشناو: فاتمە ساکان

ناوی دایک: گۆزەل

ناوی باوک: ئیبراهیم

کات و شوێنی شەهید بوون: قامیشلۆ/ ١١-٢-٢٠٢٤

ناسناو: ئازادی دێرک

ناو و پاشناو: ئەمینە سەید ئەحمەد

ناوی دایک: عالیا

ناوی باوک: یوسف

کات و شوێنی شەهید بوون: قامیشلۆ/ ١١-٢-٢٠٢٤

ب. جـ