لە قامیشلۆ ئۆتۆمبێلێك كرایە ئامانج

ناوەندی هەواڵەكان

شەوی ڕابردوو لە قامیشلۆی ڕۆژئاوای كوردستان ئۆتۆمبێلێك كرایە ئامانج، بەپێی زانیارییەكان برینداریش هەبووە، تا ئێستا دیار نیە کام لایەن و وڵات هێرشەکەى ئەنجامداوە.

ئاژانسی هاوار نیوز هەواڵی هێرشكردنە سەر ئۆتۆمبێلێكی لە ڕۆژئاوای كوردستان بڵاو كردووەتەوە.

ئاژانسەكە بڵاویكردەوە، شەوی ڕابردوو لە گەڕەكی كۆڕنیش لە نزیك مزگەوتی فاروق لە شاری قامیشلۆی ڕۆژئاوای كوردستان ئۆتۆمبێلێك كراوەتە ئامانج.

ئاماژە بەوەش كراوە، بە پێی زانیارییەكان لە ئەنجامی ئەو هێرشە بریندار هەبووە، هەروەها تا ئێستا نازاندرێت كێ ئەو هێرشەی ئەنجامداوە.

جێگەی ئاماژەیە، دەوڵەتی داگیركەری تورك ڕۆژانە بۆردومانی ڕۆژئاوای كوردستان دەكات، بەتایبەتی بۆردومانی ئەو شوێنانە دەكات، كە ژێرخانی ژیان و ئابووری ناوچەكەیە، ئەمەش لە پێناو ئەوەی دانیشتووانی ئەو ناوچانە زێدی ڕەسەنی خۆیان بەجێبهێڵن و چەتە و عەرەبی هاوردەی تێدا جێگیر بكات.

هـ.ئ

Comments are closed.