پاسەوانى سنوورى عێراق بەرەو سنوورى دهۆک جوڵەیان پێکرا

ناوەندى هەواڵەکان

شەوى ڕابردوو بەشێکى هێزەکانى فەوجى چوارى سەر لە پاسەوانى سنوورى عێراق بەرەو سنوورى دهۆک جوڵەیان پێکرا و لە گوندى سەر زێرى جێگیر کران، ئەوەش لەکاتێکدایە، شەوى ڕابردوو بە چڕى بۆردوومانى چەند ناوچەیەکى سنوورى دهۆکى کرد و بەهۆیەوە دوو پێشمەرگەى خانەنشین شەهیدبوون و یەکێکى دیکەش برینداربوون.

بەپێى زانیارییەکان، شەوى ڕابردوو بەشێکى هێزەکانى فەوجى چوارى سەر بە پاسەوانى سنوورى عێراق بەرەو سنوورى دهۆک جوڵەیان پێکرا.

هەروەها، ئەو هێزانەى پاسەوانى سنوورى عێراق لە گوندى سەر زێرى لە سنوورى شارەدێى کانى ماسى سەر بە پارێزگاى دهۆک جێگیر کراون.

ئەوەش لەکاتێکدایە، شەوى ڕابردوو بە چڕى بۆردوومانى چەند ناوچەیەکى سنوورى دهۆکى کرد و بەهۆیەوە دوو پێشمەرگەى خانەنشین شەهیدبوون و یەکێکى دیکەش برینداربوون.

جێگەى ئاماژەیە، لە چەند ڕۆژى ڕابردوودا بەرپرسانى دەوڵەتى تورک ژمارەیەک سەردانیان بۆ عێراق و هەرێمى کوردستان ئەنجامدا، لەگەڵ بەرپرسانى ئەمنى و سەربازى و هەروەها، سێ بارزانیەکە کۆبوونەوە و میدیاکانیش باسیان لەوەکرد، ئامانجى سەردانەکەى بەرپرسانى دەوڵەتى تورک دەیانەوێت هێرش بکەنە سەر بەشێکى هەرێمى کوردستان و بۆ ئەوەش دەیانەوێت عێراق و هەرێم بەشدارى هێرشەکە بکەن.

ئ.م

Comments are closed.