وەزارەتی تەندروستی عێراق زیاتر لە ١٠٠ هەزار حەبی هۆشبەری لە ناوبرد

ناوەندی هەواڵەكان

وەزارەتی تەندروستی عێراق بڵاوی كردەوە، ئەمڕۆ بە چاودێری چەند لیژنەیەكی حكومی زیاتر لە ١٠٠ هەزار حەبی جۆری سیدافێد پڵەسی هۆشبەری و ٩٠٣ حەبی جۆراوجۆری دیكە لە ناوبران و سوتێنران.

وەزارەتی تەندروستی عێراق لە بارەی سوتاندنی دەیان هەزار حەبی هۆشبەری جۆراوجۆر ڕاگەیەندراوێکی بڵاوكردەوە.

لە بەیاننامەكەدا هاتووە، ئەمڕۆ بە بڕیاری وەزیری تەندروستی و سەرۆكی دەسەڵاتی باڵای نیشتمانی بۆ كاروباری ماددە هۆشبەرەكان، بڕێكی نوێی ماددە هۆشبەرەكان لە ناوبران، كە بەپێی یاسا دەستی بەسەردا گیرا بوو و لە بەشی پزیشكی دادوەری بەغدای پایتەخت هەڵگیرابوون.

ئاماژە بەوەشكراوە،  ١٠٠ هەزار حەبی سیدافێد پڵەس و ٩٠٣ حەبی جۆراوجۆری دیكەی هۆشبەر لە بەشی پزیشكی دادوەری بەغدا لە ناوبران و سوتێران، دوای پۆسەی سووتاندنەكە، پشكنینی تەكنیكی ئەنجامدراوە بۆ دڵنیابوون لەوەی ماددەی هۆشبەرەكان بەتەواوی لە ناوچوون یاخود نا.

شارەزایانی عێراقی هۆشداریی دەدەن لە بڵاوبوونەوەی ماددەی هۆشبەر لە عێراق و داوا لە مامۆستایانی ئاینی و میدیا و كەسە دیارەكانی عێراق دەكەن گەنجان و هاوڵاتییانی عێراق لە مەترسییەكانی ماددەی هۆشبەر ئاگادار بكەنەوە.

هـ.ئ

Comments are closed.