ئەمریكا مەرجەكانی فرۆشتنی فڕۆكەی ئێف ١٦ ئاڕاستەى توركیا دەکات

ناوەندی هەواڵەكان

شەوی ڕابردوو ئەنجوومەنی پیرانی ئەمریكا بە زۆرینەی دەنگ بڕیاریدا فڕۆكەی جەنگی ئێف ١٦ و ئامێرەكانی دیكە بە بڕی ٢٣ ملیار دۆلار بە توركیا بفرۆشێت، بەڵام ئەمریكا چەندین مەرجی بۆ فرۆشتنی ئەو فڕۆكەیە بە توركیا هەیە.

شەوی ڕابردوو ئەنجوومەنی پیرانی ئەمریكا لە بارەی چەند پرسێك كۆبوویەوە، لە كۆبوونەوەكەدا دەنگی لە سەر پڕۆژەی فرۆشتنی فڕۆكەی جەنگی ئێف ١٦ و ئامێرەكانی دیكە بە دەوڵەتی داگیركەری تورك درا.

پڕۆژەیەك  لەلایەن ئیدارەی جۆ بایدنەوە نێردرا بوو بۆ ئەنجوومەنی پیران بە مەبەستی دەنگدان بۆ فرۆشتنی فڕۆكەی جەنگی ئێف ١٦ و ئامێرەكانی دیكە بە توركیا، لە بەرامبەر ڕازیبوونی بە ئەندامبوونی سوید لە هاوپەیمانی ناتۆ.

لە كۆبوونەوەكەدا ئەنجوومی پیران بە ٧٩ دەنگ لە بەرامبەر ١٣ دەنگ بڕیاری پەسەندنەكردنی فرۆشتنی فڕۆكەی جەنگی ئێف ١٦ و ئامێرەكانی دیكە بە توركیا دا.

پۆڵ ئەندامی ئەنجوومی پیران پێش دەنگدانەكە، ڕەخنەی لە حكومەتی توركیا گرت و وتی: ڕێگەدان بە فرۆشتنی ئەم فڕۆكە جەنگییە هاندەر دەبێت بۆ هەڵسوكەوتی نادروەستی توركیا.

ئیدارەی بایدن لە ٢٦ی كانوونی دووەمی ئەمساڵا بە فەرمی كۆنگرێسی ئاگاداركردەوە، بە نیازن ٤٠ فڕۆكەی لۆكهید مارتنی ئێف ١٦ و نزیكەی ٨٠ كەرەستەی دیكەی سەربازی بە توركیا بفرۆشن.

دەوڵەتی داگیركەری تورك بۆ یەكەمجار لە مانگی تشرینی یەكەمی ساڵی ٢٠٢١ داواكاری لە ئەمریكا كرد، ئەو فڕۆكەی پێ بفرۆشێت، بەڵام ئەمریكا چەندین مەرجی بۆ فرۆشتنی ئەو فڕۆكەیە بە توركیا هەیە، لە نوسراوێكدا مەرجەكانی بۆ ئەنقەرە ناردووە و ئەوانیش تاوتوێی مەرجەكانی ئەمریكا دەكەن.

هـ.ئ

Comments are closed.