داهاتی هەفتەی ڕابردووی پارێزگای سلێمانی زیاتر لە ٢٠ ملیار دینار بووە

ناوەندی هەواڵەكان

ماڵپەڕی شەفافیەتی تایبەت بە داهات لە سنووری هەردوو پارێزگای سلێمانی و هەڵەبجە و ئیدارە سەربەخۆكانی گەرمیان و ڕاپەڕین بڵاویكردەوە، كۆی داهات هەفتەی ڕابردووی لە ٢٤ی شوبات تا ١ی ئادار، ٢٠ ملیار و ٤٦٢ ملیۆن و ٩٠٦ هەزار و ٢٠٦ دینار بووە.

سایتی شەفافیەتی تایبەت بە داهات لە سنووری پارێزگای سلێمانی لە بارەی داهاتی هەفتەی ڕابردووی سنووری سلێمانی ڕاگەیاندراوێكی بڵاوكردەوە.

لە ڕاگەیاندراوەكەدا هاتووە: كۆی داهاتی هەفتەی ڕابردووی هەردوو پارێزگای سلێمانی و هەڵەبجە و ئیدارە سەربەخۆكانی گەرمیان و ڕاپەڕین، ٢٠ ملیار و ٤٦٢ ملیۆن و ٩٠٦ هەزار و ٢٠٦ دینار بووە.

ئاماژە بەوەشكراوە، لەو بڕە ١٩ ملیار و ٢٨٢ ملیۆن و ٩٨٠ هەزار و ٦٠٠ دیناری بە شێوەی نەختینەیە و یەك ملیار و ١٧٩ ملیۆن ٩٢٥ هەزار و ٦٠٦ دیناریشی بەشێوەی چەكی بانكییە.

سایتی شەفافیەت تایبەتە بە چاودێری و رێكخستنی داهاتە نانەوتییەكانی سلێمانی و هەڵەبجە و هەردوو ئیدارەی ڕاپەڕین و گەرمیان لە ڕۆژی ١٥ی كانونی یەكەمی ٢٠٢٢ بە بڕیاری قوباد تاڵەبانی، جێگری سەرۆك وەزیران ڕاگەیەنرا و دەستبەكاربوو.

هـ.ئ