لە بەغدا تەقینەوەیەك ڕوویدا

ناوەندی هەواڵەكان

سەرچاوەیەكی ئەمنی بڵاویكردەوە، بەرەبەیانی ئەمڕۆ لە شارۆچكەی تارمییەی سەر بە بەغدای پایتەخت تەقینەوەیەك بە هێزە ئەمنییەكاندا تەقییەوە، لە ئەنجامدا سەربازێك گیانی لە دەستدا و چوار سەربازی دیكە بریندار بوون.

میدیا عێراقییەكان لە زاری سەرچاوەیەكی ئەمنییەوە هەواڵی ڕوودانی تەقینەوەیەكیان لە باكووری بەغدای پایتەخت بڵاو كردەوە.

ئەو سەرچاوەیە ڕایگەیاند، بەرەبەیانی ئەمڕۆ لە لە ناوچەی بەساتینی شارۆچكەی تارمییەی باكووری بەغدای پایتەخت تەقینەوەیە بە هێزە ئەمنییەكاندا تەقیوەتەوە، لە ئەنجامدا سەربازێك گیانی لە دەستدا و چوار سەربازی دیكە بریندار بوون، كە یەكێكیان فەرماندە فەوجەكە بووە.

ئاماژەی بەوەشكرد، دواتر هێزێكی زۆری ئەمنی گەیشتوونەتە شوێنی ڕووداوەكە و بریندارەكانیان گواستووەتەوە بۆ نەخۆشخانە.

جێگەی ئاماژەیە، چەتەكانی داعش لە سنووری شارۆچكەی تارمییەدا بەشێوەی شانەی نستوو بەردەوامن لە هێرش بۆ سەر هێزە ئەمنییەكانی عێراق و هاوڵاتیانی ناوچەكە.

هـ.ئ

Comments are closed.