لە هێرشێکى ئاسمانى عێراقدا سێ چەتەى داعش لە سنوورى کەرکووک کوژران

ناوەندی هەواڵەکان

شانەی ڕاگەیاندنی ئەمنی لە عێراق بڵاوى کردەوە، سوپاى وڵاتەکەمان لە ڕێگەى فڕۆکەى ئێف ١٦ـەەوە مۆڵگەیەکی چەتەکانى داعشى لە وادی شاى لە کەرکووک کردە ئامانج، دەشڵێن، بەهۆى هێرشەکەوە سێ چەتەى داعش کوژراون.

شانەی ڕاگەیاندنی ئەمنی لە عێراق لەبارەى کوژرانى سێ چەتەى داعش لە سنوورى کەرکووک ڕاگەیەندراوێکى بڵاوکردەوە.

لە راگەیاندراوەکەدا هاتووە، سوپاى وڵاتەکەمان لە ڕێگەى فڕۆکەى ئێف ١٦ـەەوە مۆڵگەیەکی چەتەکانى داعشى لە وادی شاى لە کەرکووک کردە ئامانج.

ئاماژە بەوەشکراوە، لە ئەنجامى هێرشى فڕۆکە جەنگیەکانى وڵاتەکەمان سێ چەتەی داعش کوژراون و ژمارەیەکى زۆر پێداوویستى سەربازى ئەو چەتانەش لەناو براون.

جێگەى ئاماژەیە، ماوەی مانگێکە هێزەکانی عێراق ئۆپەراسیۆنی دەستگیرکردن و لەناوبردنی چەتەکانی داعشیان دەستپیکردووە و لە زۆرینەى ناوچە جیاوازەکانى عێراقیش هێرش دەکەن سەر مۆڵگە و بارەگاکانیان.

ئ.م

Comments are closed.