هونەرمەندی کورد هۆزان شەمدین لە قەندیلە و بانگەوازیی لە گەل دەکات

بناری قەندیل

هونەرمەندی دیاری کورد هۆزان شەمدین، یەکێک لە بەشداربووانی ئاهەنگی پیرۆزکردنی جەژنی نەورۆزە لە بناری قەندیل، داوا لە هەمووان دەکات بەشداری لە ئاهەنگی نەورۆزی قەندیل بکەن و دەڵێت: نەورۆز واتا سەرهەڵدانی گەلەکەمان، دەبێت دەنگی گەل لە چیاوە بگات بە هەموو کوردستان.

هونەرمەندی دیاری کورد هۆزان شەمدین، یەکێکە لە بەشداربووانی ئاهەنگی نەورۆز لە بناری قەندیل، لە ڕێگەی ڕۆژنیوزەوە داوا لە گەلی کورد دەکات بەشداربن لە نەورۆزی قەندیل.

هونەرمەند هۆزان شەمدین وتی: جەژنی نەورۆز لە ڕێبەر ئۆجالان و شەڕڤانانی ئازادیی و گەلی کوردستان پیرۆز بێت، کاتێک بەهار دێت واتا سەرهەڵدانی گەلەکەمان، بۆیە گەلی کورد گەلی نەورۆزە، لە هەموو لایەکەوە نەورۆز پیرۆز دەکرێت.

داواشی لە گەل کرد، ڕوو لە بناری قەندیک بکەن و بە جۆش و خرۆشێکەوە کە شایستەی ناوی قەندیل بێت، جەژنی نەورۆز پیرۆز بکەن، تا دەنگی گەلی کورد لە چیاوە بگات بە هەموو کوردستان.

بڕیار وایە، سبەینێ کاتژمێر ١٢ـی نیوەڕۆ، لە بناری قەندیل، ئاهەنگی پیرۆزکردنی جەژنی نەورۆز، بە بەشداری هەزاران کەس و چەندین هونەرمەند و گرووپی هونەریی بەڕێوەبچێت.

لە ئێستاشدا، هەزاران کەس لە هەرچوار پارچەی کوردستانەوە ڕوویان لە گۆڕەپانی ئاهەنگەکە کردووە.

ب. جـ

Comments are closed.