لە سلێمانی دژی سەردانەکەی ئەردۆغان بۆ عێراق گردبوونەوەیەکی ناڕەزایی بەڕێوەدەچێت

ناوەندی هەواڵەکان

لە درێژەی ناڕەزایەتییەکان لە دژی سەردانەکەى سەرۆکی دەوڵەتی داگیرکەری تورک بۆ عێراق بڕیارە لە سلێمانی دژی ئەو سەردانە گردبوونەوەیەکی ناڕەزایی بەڕێوە بچێت.

دەستەی پارێزگاری سەروەری نیشتمان ڕایگەیاندراوێکی سەبارەت بە سەردانى سەرۆکی دەوڵەتى داگیرکەری تورک بۆ عێراق و بەردەوامی هێرشەکانى تورکیا بڵاوکردەوە.

لەڕاگەیەندراوەکەدا هاتووە: بە مەبەستی ڕەتكردنەوە و بەرەنگاربوونەوەی هەڕەشەكانی لەشكركێشی توركیاو سەردانی ئەردۆغان بۆ عێراق و هەرێمی كوردستان، دەنگی نارەزایەتی بەرز دەكەینەوە

ئاماژە بەوەشکراوە، سبەینێ کاتژمێر یەکی دوانیوەڕۆ لەبەردەم ئۆفیسی ئەنجومەنی نوێنەرانی عێراق لە سلێمانی گردبوونەوەیەك دەكەن و بەیاننامەیەك لەو بارەیەوە دەخوێنرێتەوە.

هەروەها دەستەکە داواش لە هەموو هاوڵاتییان و توێژەکان دەکات بەشداری لەو گردبوونەوەیەدا بکەن.

بڕیارە سبەینێ ئەردۆغان سەرۆکی دەوڵەتى داگیرکەری تورک سەردانى عێراق و دواتر هەولێر بکات، ئەو سەردانە لەناوخۆی عێراق و هەرێمیش کاردانەوە و ناڕەزایەتى بەدوای خۆیدا هێناوە.

هـ.ح

Comments are closed.