ئێران وادەی ئەنجامدانی هەڵبژاردنی سەرۆک کۆماری دیاری کرد

ناوەندی هەواڵەکان

دوای پێشنیازکرنى ڕۆژی هەڵبژاردنى پێشوەختە، دەستەی باڵای هەڵبژاردنەکانی ئێران وادەى بەڕێوەچوونى هەڵبژاردنی دیاریکرد کە کۆتایی مانگی داهاتووە.

دوای ڕووداوی کەوتنە خوارەوەى فڕۆکەکەی سەرۆکی ئێران و گیانلەدەستدانى سەرۆک و ژمارەیەک بەرپرسی ئەو وڵاتە، ئەمڕۆ وەزارەتى ناوخۆ پێشنیازی ٢٨ مانگی داهاتووی بۆ هەلبژاردنى سەرۆکایەتى دیاریکرد.

ئێوارەى ئەمڕۆش دەستەی باڵای هەڵبژاردنەکانی ئێران ئەو پێشنیازەى پەسند کرد و بڕیاریدا بە دیاریکردنی رۆژی ٢٨ـی حوزەیرانی ئەمساڵ بۆ ئەنجامدانی هەڵبژاردنی سەرۆک کۆماری نوێ بۆ وڵاتەکەی.

دوێنێ هەواڵی دیارنەمانی ئەو فڕۆکەیەی کە ئیبراهیم ڕەئیسی سەرۆکی ئێرانی و تیمێکی یاوەری بڵاوکرایەوە دوای نزیکەی ١٠ کاتژمێر لە گەڕان بە دوایدا، پاشماوەی هێلیکۆپتەرەکە لە ناوچەی دارستانی دیزمار لەنێوان گوندەکانی ئاوزی و پیرداودا و تەرمی ئیبراهیم ڕەئیسی سەرۆک کۆماری ئێران و حسێن ئەمیر عەبدوڵاهیان وەزیری دەرەوە و حەوت کەسی دیکە لە تیمەکەی بدۆزرێتەوە تەرمی سەرجەم تیمەکەى ڕەئیسی دۆزرایەوە.

هـ.ح