ئەمریكا: زیاتر لە ٥٦٩ تۆن هاوكاری مرۆییمان گەیاندووەتە غەزە

ناوەندی هەواڵەكان

فەرماندەی فەرماندەیی ناوەندی ئەمریكا “سێنتكۆم” بڵاوی كردەوە، تا ئێستا زیاتر لە ٥٦٩ تۆن هاوكاری مرۆییمان لەو بەندەرەی لە غەزە درووستمان كردووە، گەیاندووەتە هاوڵاتیانی فەڵەستین.

فەرماندەی فەرماندەیی ناوەندی ئەمریكا – سێنتكۆم لە ڕاگەیاندراوێکدا بڵاوى کردەوە، تا ئێستا زیاتر لە ٥٦٩ تۆن هاوكاری مرۆییمان لە ڕێگەى ئەو بەندەرەی لە غەزە درووستمان كردووە، گەیاندووەتە هاوڵاتیانی فەڵەستین.

دەشڵێن، ئەمریكا، بەریتانیا، ئیمارات و یەكێتی ئەوروپا و كۆمەڵێك لە هاوبەشەكانی دیكە هاوكارییەكانییان دابین كردووە.

ئاماژەی بەوەشكراوە، بەرپرسانی نەتەوە یەكگرتووەكان هۆشدارییان دابوو لە بەسەرچوون و خراپبوونى ئەو خۆراك و دەرمانانەی بۆ فەڵەستینییەكان لە میسر كۆكراوەتەوە، چونكە دەروازەی ڕەفح تا ئێستا بە داخراوی ماوەتەوە.

 ڕێكخراوی فریاگوزاریی نەتەوە یەكگرتووەكانیش دەڵێت، ئێمە چیتر وشەمان نییە بۆ وەسفكردنی ئەوەی لە غەزە ڕوودەدات، ئێمە وەك كارەساتێك، كابوسێك، دۆزەخێك لەسەر زەوی وەسفمان كردووە، چونكە داخستنی دەروازەی ڕەفح بووەتە هۆی وەستانی لانیكەم ٨٢ هەزار تۆن لە گەیاندنی پێداویستییەكان.

لە دوای چڕكردنەوەی هێرشە سەربازییەكانی ئیسرائیل لە ڕەفح گەیشتنی یارمەتییەكان بۆ باشووری غەزە پەكی كەوتووە، ئەمەش بووەتە هۆی ئاوارە بوونی زیاتر لە ٨٠٠ هەزار كەس.

هـ.ئـ

Comments are closed.