ڕۆژەڤ

– کاتژمێر ٣ـی دوانیوەڕۆ لە باخچەی شەهید دلاوەر لە شارۆچکەی چەمچەماڵ شەشەمین فێستیڤاڵی  ڕۆشنبیر و بازاڕسازی و کەلتوری بەڕێوە دەچێت.

– کاتژمێر ٣ـی لە هۆڵی ڕۆشنبیری سلێمانى مەراسیمی چلەى چوار شاخەوانەکەى قەرەداخ بەڕێوە دەچێت.

– ڕێکخراوی گەشەپێدانی مەدەنیەتى سی دی ئۆ کۆبوونەوەیەکی تایبەت ڕێکدەخات بۆ ئەنجومەنى پەنابەرانى کوردانى ڕۆژئاڤا و گفتوگۆکردن لەسەر ڕەوشی یاسایی و مانەوەیان لە هەرێمی کوردستان، کاتژمێر ١٠ـی بەیانی لە هۆڵی ڕێکخراوەکە لە شاری سلێمانی.

– ڕووداوەکانى ئاگرکەوتنەوە لە ناو شارەکان و دەوروبەری شارەکان و  لە دارستان و ناوچە شاخاوییەکان بەردەوامە.

– ماوەی ٢٣١ ڕۆژە، پەدەکە سلێمان ئەحمەد، ڕۆژنامەنووس و هەواڵسازی بەشی عەرەبی ئاژانسەکەمانی دەستبەسەرکردووە و دادگای تاوانی یەکی دهۆک ٣٠ـی حوزەیرانی بۆ دانیشتن لەسەر دۆسییەی سلێمان ئەحمەد دیاریی کردووە.

– قۆناغی دووەمی کامپەینی جیهانی “ئازادیی بۆ ڕێبەر ئۆجالان، چارەسەری سیاسیی بۆ دۆزی کورد” لە پێناو ئازادیی جەستەیی ڕێبەر ئۆجالان بەردەوامە.

– مانگرتنی زیندانیانی پەکەکە و پاژک بۆ ئازادیی جەستەیی ڕێبەر ئۆجالان ١٩٨ ڕۆژە بەردەوامە.

-بەرخۆدانی بێوێنەی گەریلاکانی ئازادیی لە ئاسمان و زەمینەوە لە دژی سوپای داگیرکەری تورک بەردەوامە.

– هێرش و داگیرکاری و بۆردوومانەکانی دەوڵەتى تورک بۆسەر باشووری کوردستان زۆر زیادی کردوە و چەکی کیمیاییش بەردەوام بەکاردەهێندرێت لە دژی گەریلا.

– پرسى هەڵبژاردنى پەرلەمانى هەرێمى کوردستان کە تا ئێستا هیچ وادەیەک بۆ بەڕێوەچوونى هەڵبژاردن دیارى نەکراوە.

– تا ئێستا ناکۆکییەکان لەبارەى هەڵبژاردنى پۆستی پارێزگارى کەرکووک بەردەوامە.

– چالاکی و کاردانەوەکان لە دژی دەستگرتن بەسەر شارەوانییەکانی باکووری کوردستان و دانانی قەیوم لەلایەن دەوڵەتى فاشیستى ئاکەپە و مەهەپە بەردەوامە و بڕیار وایە لە ١٣ـی ئەم مانگە گردبوونەوەی بەرفراوان بەڕێوەبچێت.

– شەڕى نێوان حەماس و ئیسرائیل بەردەوامە و تا ئێستاش لەبارەى ئاگربەست نەگەیشتوونەتە ڕێکەوتن.

– دەوڵەتی تورک بەردەوامە لە گرتنەوەی پشکی ئاوی عێراق.

Comments are closed.