“لە ساڵی ٢٠٢١ـەوە بە چەکی کیمیایی و قەدەغەکراو هێرش ئەنجام دەدرێت”

پیران دۆزدار

نزیکەی ٤٠ ساڵە لە چیاکانی کوردستان بە پێشەنگایەتی گەریلا لە دژی دەوڵەتی تورکی قڕکەر-فاشیست و چەتەکانی بەرخودانی بێهاوتا دەکرێت، گەریلا لەو بەرخۆدانەدا هەم لە دژی تەکنیکی زەمینیی و ئاسمانی دەوڵەتی تورک، گازی کیمیایی و ژەهراویی و تەقەمەنی قەدەغەکراو دەجەنگێت، هەمیش ژیانی خۆی ڕێکدەخات، گەریلا لەماوەی دەیان ساڵدا بەردەوام بەرەوپێش چووە، بەردەوام خۆی نوێکردووەتەوە و هەموو کات سوپرایز و هەنگاوی چاوەڕێنەکراو ئەنجامدەدات، دەوڵەتی تورک، دەسەڵاتداری شەڕی تایبەتی فاشیستی ئاکەپە-مەهەپە و ئەردۆغان لە شوباتی ٢٠١٨ لە خواکورک، ساڵانی ٢٠١٩-٢٠٢٠ لە هەفتانین و لە شوباتی ٢٠٢١ـدا هێرشی کردە سەر گارە و هەڕێمەکانی پاراستنی مەدیا، لە هێرشەکەی سەر گارەدا بۆمب، تەقەمەنی قەدەغە و چەکی کیمیایی بەکارهێندران و یاسا نێودەوڵەتی پێشێلکران، لە گارە هێزەکانی گەریلای هەپەگە و یەژاستار لە دژی هێرشەکان خۆیان ڕێکخست و ڕێگەیان نەدا کە سوپای تورک لەو هەرێمە باڵادەست بێت.

لەبەر ئەوەش سوپای تورک گازی کیمیایی ژەهراوی و مادەی تەقەمەنی قەدەغەی بەکارهێنا و لە هەرێمەکە کشایەوە، بەکارهێنانی چەکی کیمیایی نیشانەی هێز نییە، بەپێچەوانەوە نیشانەی دەروونی تێکشکاوە، دوای دوو مانگ سوپای تورک لە دژی زاپ، مەتینا و ئاڤاشین دەستی بە هێرش کرد، دەوڵەتی تورک بەکارهێنانی گازی کیمیایی ژەهراوی و مادەی تەقەمەنی و بۆمبی قەدەغەکراو، کە بە پێی یاسا نێودەوڵەتییەکان قەدەغەیە درێژە پێدەدات، سەرباری ئەوەی کە ئەو گازە کیمیاییەی ژەهراوی و تەقەمەنییە قەدەغانەی سوپای تورکی داگیرکەر بەکاریان دەهێنێت، کردەوەی پێشێلکردنی یاسا نێودەوڵەتییەکان و تاوانەکانی شەڕ، بەڵام ڕێکخراوە نێودەوڵەتییەکان چاویان بەسەر ئەو دۆخەدا نوقاندووە، لەبەر هاوکاریی و پشتیوانییەکانی ناتۆ دەوڵەتی تورک تاوانێکی لەو جۆرە درێژە پێدەدات، لەبەر ئەوەی پەیوەندییەکانی ڕێکخراوە نێودەوڵەتییەکان لەگەڵ ناتۆ باش دەزانرێت.

لەبەر ئەوەی ڕێکخراوە نێودەوڵەتییەکان چاوپۆشییان لەو دۆخەکرد و بێدەنگ بوون، سوپای تورکی داگیرکەر بە گازی کیمیایی ژەهراوی و تەقەمەنی قەدەغە کۆنسێپتێکی نوێی هێرشی ئامادەکردووە، سوپای تورک لە کات و ڕێکەوتی جیاجیای پێشوو و لە شوێنی جیاجیا لە دژی گەریلاکانی ئازادیی کوردستان چەکی کیمیایی بەکارهێناوە، سوپای تورکی داگیرکەر لە ساڵی ٢٠٢١ـەوە بە چەکی کیمیایی ژەهراوی و مادەی تەقەمەنی قەدەغە هێرشەکانی بە سیستەماتیک کردووە، لەماوە چوار ساڵی رابردوودا هێزەکانی گەریلا هەم لە ڕووی دیمەنەوە و هەمیش بە بەڵگەی نووسراو، لە شوێن و کاتی جیاجیادا بەکارهێنانی مادەی کیمیایی و تەقەمەنی قەدەغەکراویان لە لایەن سوپای تورکەوە بۆ ڕای گشتیی کوردستان و جیهان بڵاوکردووەتەوە.

لێکۆڵینەوە لەو چەکە کیمیاییە ژەهراویانە و ئەو تەقەمەنییە قەدەغەکراوانە دەکەین، کە سوپای تورکی داگیرکەر لە ماوەی چوار ساڵی ڕابردوودا بەکاریهێناون.

٢٠٢١: سوپای تورکی داگیرکەر ٢٥٦ جار بە چەکی کیمیایی و تەقەمەنی قەدەغە هێرشی کردە سەر گەریلا

سوپای تورکی داگیرکەر لە دژی گەریلاکانی ئازادیی کوردستان لە هەرێمەکانی گارە/سیان، زاپ، ئاڤاشین و مەتینا بۆمبی قەدەغەکراو و چەکی کیمیایی کە لە سەر ئاستی نێودەوڵەتیی قەدەغەن بەکارهێناوە و لە دژی هەرێمی سیانی گارە، زەندورای سەر بە مەتینا، مامڕەشۆ، شاخی سۆر، ئارس فارس، شاخی کارتاڵ و وەرخەلێی ئاڤاسین ٢٥٦ جار بۆمبی قەدەغە و چەکی کیمیایی کیمیایی ژەهراویی بەکارهێناوە.

٢٠٢٢: دەوڵەتی تورک سێ هەزار و ٢٨٠ جار گازی کیمیایی ژەهراویی و تەقەمەنی قەدەغەی بەکارهێناوە

هێرشە بەرفراوانەکانی سوپای تورکی داگیرکەر لە ساڵی ٢٠٢٢ لە دژی هەرێمەکانی پاراستنی مەدیا بە تایبەتی زاپ، ئاڤاشین و مەتینا بەردەوام بوو، ڕژێمی فاشیستی ئاکەپە-مەهەپە دەیوت زاپ، ئاڤاشین و مەتینا لە ماوەی دوو بۆ سێ هەفتە داگیر دەکات، دوو ساڵ بە سەر ئەو قسەیان تێپەڕبوو، سەرباری ئەوەی مۆدێرنترین تەکنەلۆژیای شەر، بۆمب و چەکی کیمیایی قەدەغەی بەکارهێنا و هاوکاریشی لە پەدەکە وەرگرت، نەیتوانی ئامانج و پیلانەکانی جێبەجێ بکات، لەسەر ئەو بنەمایە لە ساڵی ٢٠٢٢ـدا سوپای تورکی داگیرکەر بە گشتیی سێ هەزار و ٢٨٠ جار بە گازی ژەهراویی، چەکی کیمیایی و تەقەمەنی قەدەغە هێرشی کردە سەر گەریلاکانی ئازادیی کوردستان.

٢٠٢٣: سەرباری بڕیاری بێچالاکیش بە چەکی قەدەغە و کیمیایی هەزار و ٤٧ جار هێرشیان کرد

دەوڵەتی تورکی داگیرکەر بە بۆنەی ١٠٠ ساڵەی کۆمارەکەیەوە کە بناخەی لەسەر لەناوبردنی گەلانی ئەنادۆلی و گەلی کورد دامەزراوە بە پاڵنەڕی جیاجیا درێژەی بە هێرشە داگیرکەرییەکانی خۆی داوە، بەڵام ئەوانەش لە ماوەیەکی کورتدا لە بەرامبەر گەریلا شکستیان هێناوە، هەموو هێرشەکانی سوپای تورکی داگیرکەر لە ساڵی ٢٠٢٣ـدا شکستیان هێنا، لەبەر بومەلەرزەکەی ٦ـی شوبات لە تورکیا و کوردستان، هاوسەرۆکایەتی دەستەی بەڕێوەبەری کەجەکە سەرباری هێرشەکان لە ٩ـی شوباتدا ڕایگەیاندبوو، کە بڕیاری بێچالاکیان داوە، سەرەڕای ئەم بریارەش سوپای تورکی داگیرکەر هێرشەکانی ڕانەگرت و لە بەرامبەر گەریلا بە گازی کیمیایی و ژەهراوی قەدەغە درێژەی بە هێرشەکانیدا، سوپای تورکی داگیرکەر لە ساڵی ٢٠٢٣ـدا هەزار و ٤٧ جار بە گازی کیمیایی و تەقەمەنی قەدەغە هێرشی ئەنجامدا.

٢٠٢٤: لە ماوەی پێنج مانگی یەکەمدا ٣٥١ جار تەقەمەنی کیمیایی و قەدەغە بەکارهێنراون

لە پێنج مانگی سەرەتای ساڵی ٢٠٢٤ـدا سوپای تورکی داگیرکەر بە گازی کیمیایی و تەقەمەنی قەدەغە درێژەی بە هێرشەکانی داوە، ناوەندی ڕاگەیاندن و چاپەمەنیی هەپەگە، ڕۆژانە پەیوەست بە هێرشانە ڕاگەیاندراوی داوە و لەبارەی دۆخی شەڕ و هێرشەکانیش هەموو مانگێک ڕاگەیاندراو بڵاودەکاتەوە، سەبارەت بەوە؛ لە پێنج مانگی یەکەمی ساڵی ٢٠٢٤ـدا سوپای تورک ٣٥١ جار بە گازی کیمیایی و تەقەمەنی قەدەغە هێرشی کردووەتە سەر گەریلا، سوپای تورک لە ماوەی سێ ساڵ و چوار مانگدا لە هێرشەکانیدا بۆ سەر زاپ، ئاڤاشین و مەتینا بە گشتی پێنج هەزار و ٤٥ جار گازی کیمیایی و تەقەمەنی قەدەغەی بەکارهێنا، ناوەندی ڕاگەیاندن و چاپەمەنیی هەپەگە لە ڕاگەیاندراوی خۆیدا لە مانگی حوزەیراندا ڕایگەیاندبوو، کە سوپای تورک بە تایبەت لە هەرێمی بەرخودانی شاخی ئێف ئێم لە بەرامبەر گەریلاکان گازی کیمیایی و تەقەمەنی قەدەغەی بەکارهێناوە.

سێ ساڵ و چوار مانگ بەسەر هێرشی سوپای تورک بۆ سەر گۆڕەپانی سیانی هەرێمی گارە لە شوباتی ٢٠٢١ تێپەڕبوو، پەیوەست بەوە سەرباری ئەوەی دەوڵەتی تورک بە ڕاگەیاندنی شەڕی تایبەت و دەروونی خۆی هەموو ڕۆژێک شتێکی نوێی دۆزیوەتەوە و لەو ڕێگەوە بۆ ڕای گشتیی تورکیا و جیهان پروپاگەندەی کردووە، ئەردۆغان و ڕژێمە فاشیستییەکەی ئاکەپە و مەهەپە سەرەڕای ئەوەی ئامانجەکەیان نەپێکاوە، پیلان و ئامانجە نوێکانیشیان لە چوارچێوەی قسەدا دەمێننەوە، لەبەرامبەر ئەوەدا موراد قەرەیلان، ئەندامی کۆمیتەی بەڕێوەبەری پەکەکە لە نەورۆزی ٢٠٢٤ـدا بە سوپرایزێکی گەورە بەڵگە و دیمەنی خستنەخوارەوە درۆنی سیخوڕیی و هێرشبەریی لە ڕێگەی لێدوانێکەوە بۆ جیهان ڕاگەیاند، دوای ئەو لێدوانە دۆخەکە وەک ئەوەی ڕەوتی شەڕ و هێرشەکان دەگۆرێت، هەڵدەسەنگێندرێت.

ب. جـ

Comments are closed.