لە عەفرین سوپای تورک خانووی هاوڵاتییەک دەکات بە بارەگای سەربازیی
ناوەندی هەواڵەکان
ڕێکخراوی مافی مڕۆڤی عەفرین-سووریا ڕایگەیاند، دەوڵەوتی داگیرکەری تورک لە عەفرین، دەستی بەسەر ماڵێکدا گرتووە بۆ ئەوەی بیکات بە بارەگای سەربازیی.
رێکخراوی مافی مرۆڤی عەفرین-سووریا، لە بارەی دەستبەسەرداگرتنی ماڵی هاوڵاتییەک لە عەفرینی داگیرکراو زانیاریی نوێی خستووەتەڕوو.
بەپێی ڕێکخراوەکە، نزیکەی مانگێكە سوپای داگیرکەری تورک دەستی بەسەر ماڵی ژنێکدا گرتووە بە ناوی زەینەب ئەحمەد محەمەد تەمەن ٦٠ ساڵ، لە گوندی ماتینای شێرایی عەفرین.
ڕێکخراوەکە ئاماژەی بەوەشکردووە، ئەو ماڵەی دەستی بەسەردا گیراوە، سوپا دەیەوێت بیکات بە بارەگایەکی سەربازیی.
ب. جـ
Comments are closed.