لە چەندین شار چالاکیی بۆ ئازادیی جەستەیی ڕێبەر ئۆجالان بەڕێوەچوو

ناوەندی هەواڵەکان

چالاکییەکانی “دەنگت بخە پاڵ ئازادیی” بۆ لابردنی گۆشەگیریی و ئازادیی جەستەیی سەر ڕێبەر ئۆجالان، لەبەردەم زیندانەکان بەردەوامە و چالاکوانان ڕایدەگەیەنن، تا گۆشەگیریی هەڵنەگیرێت، درێژە بە تێکۆشان دەدەین.

گۆشەگیریی توندی سەر ڕێبەری گەلی کورد عەبدوڵا ئۆجالان بەردەوامە و چالاکییەکان بۆ هەڵگرتنی گۆشەگیریی و ئازادیی جەستەیی بەردەوامە، کەسوکاری زیندانیان لە بەردەم زیندانەکان لە هەریەکە لە شارەکانی مێرسین، ئێلح، ئەزمیر، ئەدەنە، ئیدر و وان، بە پشتیوانی ئەندامی پارت، ڕێکخراوەکان و چەندین کەسی دیکە چالاکی “دەنگت بخە پاڵ ئازادیی”ـیان ئەنجامدا.

لە چوارچێوەی بەڕێوەچوونی چالاکییەکەدا لە مێرسین، ڕەشاد ئاشان، هاوسەرۆکی دەم پارتی ناوچەکە ڕایگەیاند، تا گۆشەگیریی سەر ڕێبەری گەلی کورد عەبدوڵا ئۆجالان و پێشێلکاریی مافی زیندانیان کۆتایی نەیەت، درێژە بە چالاکی دەدەن.

هەروەها بەهادیر ئاڵتان، بەڕێوەبەری کۆمەڵەی مافەکانی مرۆڤ-ئیهەدەی ئیزمیر ڕایگەیاند، بۆ کۆتاییهێنان بە نادادییەکانی وڵات و گۆشەگیریی سەر ڕێبەری گەلی کورد عەبدوڵا ئۆجالان چالاکی ئەنجام دەدەن و نادادییەکان قبوڵ ناکەن.

لە ئەدەنەش لەسەر ناوی جەماوەر، موستەفا یەڵدز وتی: پێویستە بەزووترین کات گۆشەگیریی ئیمرالی کۆتایی بێت و ناونیشانی چارەسەر، ئیمراڵییە.

هەر لەو چوارچێوەیەشدا چەتین ئویار، هاوسەرۆکی توای-دەر لە چالاکییەکەی وان ڕایگەیاند، داوامان ئەوەیە، وەزیری داد ئەم دایکانە ببینێت، بەرامبەر ئەم نادادییانە بێدەنگ مەبن، پێویستە دەمودەست گۆشەگیری توندی سەر ڕێبەر ئۆجالان کۆتایی بێت، بنەماڵە و پارێزەران چاویان پێی بکەوێت.

ب. ق

Comments are closed.