“دوو پارتی نوێ خۆیان بۆ هەڵبژاردنەکانی هەرێم تۆمار کردووە”

ناوەندى هەواڵەکان

وتەبێژی کۆمسیۆن دەڵێت: دوو پارتی نوێ و ٢٠ کاندیدی سەربەخۆ ناوی خۆیان بۆ بەشداریکردن لە هەڵبژاردنى پەرلەمانى هەرێم تۆمارکردووە، ئەوەش لەکاتێکدایە کاتی خۆتۆمارکردن لە کۆمسیۆن بۆ بەشداریکردن لە هەڵبژاردنی پەرلەمانی هەرێم تەنها دوو ڕۆژی ماوە.

جومانە غەلای وتەبێژی کۆمسیۆنی باڵای سەربەخۆی هەڵبژاردنەکانی عێراق بە میدیای فەرمی یەنەکەی ڕاگەیاند، تا ئێستا تەنها دوو پارتی نوێ و ٢٠ کاندیدی سەربەخۆ ناوی خۆیان لە کۆمسیۆن تۆمارکردووە.

جومانە غەلای ئەوەشی ئاشکرا کردووە، لە ماوەی درێژکراوەی کاتی خۆتۆمارکردن بۆ پارت و هاوپەیمانی و کاندیدە سەربەخۆکان، تەنها دوو پارتی نوێ و ٢٠ کاندیدی سەربەخۆ ناوی خۆیان لە کۆمسیۆن تۆمارکردووە.

بەپێی زانیارییەکان، تائێستا ٢٢ پارت و دوو هاوپەیمانێتی و ٧٤ کاندیدی سەربەخۆ، ناویان بۆ هەڵبژادنی خولی شەشەمی پەرلەمانی هەرێمی کوردستان لە کۆمسیۆنی باڵای سەربەخۆی هەڵبژاردنەکانی عێراق تۆمارکردووە و تەنها ماوەی دوو ڕۆژیش ماوە بۆ ناو تۆمارکردن.

ئەوە لەكاتێكدایە، كۆمیسیۆنی باڵای سەربەخۆی هەڵبژاردنەكان رۆژی٥ـی ئەیلوولی بۆ هەڵبژاردنی خولی شەشەمی پەرلەمانی هەرێمی كوردستان پێشنیار کردووە، بەڵام تاوەكو ئێستا سەرۆكایەتی ماوەبەسەرچووی هەرێم وادەكەی دیاری نەكردووە.

ش. ئـ

Comments are closed.