فتقی گیراو (قەتیسبوو) چییە؟

ناوەندى هەواڵەکان

نەخۆشخانەى سمارت بڵاوى کردەوە، بەگشتی فتق بریتییە لە دەرپەڕین و هاتنەدەروەی بەشێکی ڕیخۆڵە یاخود هەر شانەیەکی تری ناوسک بۆ دەرەوەی دیواری سک، دەشڵێن، نیشانەکانى نەخۆشیەکە ئەمانەن ئازارى بەهێز، هێڵنجدان و ڕشانەوە، هەست کردن بە ئاوساوی لە شوێنی فتقەکە.

نەخۆشخانەى سمارت لەبارەى فتقی گیراو (قەتیسبوو) و نیشانەکانى و چۆنیەتى چارەسەرکردنى ڕاگەیەندرازێکى بڵاوکردەوە، کە دەقەکەى بەمجۆرەیە:-

بەگشتی فتق بریتییە لە دەرپەڕین و هاتنەدەروەی بەشێکی ڕیخۆڵە یاخود هەر شانەیەکی تری ناوسک بۆ دەرەوەی دیواری سک لە ناوچەیەک، کە دیواری سک تیایدا لاواز بووە و کراوەتەوە، بەڵام هەندێ جار ئەو بەشەی کە دەرپەڕیوەتە دەرەوە.

قەتیس دەبێت و خوێنی بۆ ناچێت و دەبێتە هۆی گیرانی ڕیخۆڵە، ئەمەش پێی دەوترێت فتقی گیراو (قەتیسبوو). کە دەبێتە هۆی لەناوچوون و ووشکبوونی ئەوبەشەی، کە دەرپەڕیوەتە دەرەوە و مەترسی لەسەر ژیانی کەسی تووشبوو درووست دەکات ئەگەر بەزوویی چارەسەر نەکرێت.

فتقی گیراو، پێویستی بە نەشتەرگەری خێرا هەیە.

نیشانەکانی فتقی گیراو کامانەن؟

یەکەم- ئازاری بەهێز.

دووەم- هەست کردن بە ئاوساوی لە شوێنی فتقەکە.

سێیەم- هێڵنج و ڕشانەوە.

ئ.م